Page 107 - MIN JUS

ORANJESTAD,Aruba

Diaranzon awo, Minister Dowers como e titular encarga cu e cartera di husticia, lo bay

presenta su proximo plan di maneho, 2017 pa 2020. E plan di maneho aki ta e continuidad
di plan di maneho anterior, esta esun yama “Een solide basis”, cual a wordo presenta y
discuti na 2013. Dicho plan di maneho tawata tin como puntonan di salida, prevencion,
reprecion y e asina yama ‘integrale aanpak’, pa tanto den seno di husticia como tambe

pafor di e seno hudicial. Esaki naturalmente tawata e fundeshi, pa por a contra-aresta
criminalidad den tur forma y di cual nos a mira tambe e bon resultadonan cu e plan integral

aki a duna. E proximo plan di maneho, ta un extencion di esun prome y cu lo hiba e nomber
di “Iedereen draagt zijn steentje bij een veilige samenleving”. Cu e plan di maneho aki lo
bay na e proximo nivel, teniendo e puntonan cardinal den mente, manera es nan cu a

wordo menciona caba. E plan di maneho aki cu lo wordo presenta mayan diaranzon, lo
wordo presenta y discuti den un sesion priva cu entre otro tur hoofd van diensten di
husticia. Banda di e grupo grandi aki, tambe a extende invitacion na por ehempel,

plataforma profecional, bestuur di ATIA, KVK y esun di AHATA, como tambe diferente
studiantenan di e diferente facultadnan di universidad di Aruba. E programa lo bay ta uno
extenso y sigur interesante.