Page 13 - Awemainta

AWEMainta Diasabra, 19 Maart 2016 13

Trabounan ta dura 6 siman largo

Polis a
anuncia
desviacion
den trafico
na Green
Corridor

A sera e caminda cu ta conecta e
cruzada di Mahuma pa Sero Biento

RELACIONA cu trabounan di construccion

tumando lugar riba e caminda principal di Oranjestad
pa San Nicolas, den cuadro di e “Green Corridor”,
a sera un di e camindanan masha uza cu ta conecta
trafico di e cruzada di Mahuma pa Sero Biento.
A sera e caminda aki di e T-Kruising di Yucuri,
relaciona cu un “duiker” cu ta trahando y cu ta
cruza riba dicho caretera. E trabounan lo dura mas
o menos 6 siman largo.

Lo desvia trafico procedente di Sero Biento den
diferente direccion. P.e. esnan bayendo San Nicolas
lo pasa via Yucuri, Sabana Grandi y Kibaima.
Trafico rumbo Oranjestad of e area di Aeropuerto
lo pasa via e caminda di santo direccion Wayaca y
Sabana Blanco.
Trafico cu mester bay direccion Parkietenbos of e
area di Dump tambe lo mester scoge un di e dos
alternativanan ariba menciona.

Trafico cu yega e T-Kruising na Yucuri cu mester
sigui direccion Oranjestad lo mester sigui stret via e
caminda di santo direccion Wayaca y Sabana Blanco
of por lora na man drechi via Sero Biento y Caya
Betico Croes.
Trafico cu mester yega Aeropuerto, Parkietenbos of
Dump lo mester sigui stret via e caminda di santo
direccion Wayaca y Sabana Blanco.

Cuerpo Policial ta convenci cu automobilistanan
lo sa di coopera durante e siguiente simannan den
cual trabounan di construccion ta tumando lugar,
den cuadro di mantencion di nos trafico sigur y
causa menos inconveniencia of tardansa posibel
den trafico.
Mas cu claro ora cu e trabounan keda cla, e fluho di
trafico lo core mucho mas eficiente.