Page 22 - ATA

42 Djarason 7 Febrüari 2018
E mester sinta 35 dia di kastigu
OM a sera promé

persona ku no a paga

WILLEMSTAD.- Ayera e
promé persona, un hóben
hende hòmber ku un
kantidat di but habrí a kai
será.
Tabata durante di
un kontròl regular den
tráfiko polis a topa ku
un hóben shofùr ku glas
skur, sin reibeweis i sin un
identifikashon.
Ora a sigui ku e kontròl
a ripará ku e hòmber aki
tabatin vários but habrí,
totalisando un montante
di 5.790 florin.
E montante aki ku ta
suma vários but, nunka
e sospechoso no a purba
drenta un areglo di pago.
Esei tabata un di e
motibunan prinsipal ku na
momentu di su detenshon,
esei no tabata un opshon
tampoko.
Fiskal di Ministerio
Públiko a ordená mesora
su detenshon i a traslad’é
mesora pa prisòn.
E tin ku sinta 1 dia pa
kada 50 florin di but habrí.
Esaki a base di e
kantidat di “aanmaning”
ku e sospechoso a risibí.
Den e kaso aki e
sospechoso lo mester sinta
mas o ménos 35 dia.
Ta trata di e hòmber
J.G.U. (1994).
Ministerio Públiko ta
kontinuá ku e maneho
aki. Esun ku no paga
su butnan, i a risibí
amonestashon, ta kore
riesgo di keda detené pa e
echo ku no a paga butnan
habrí.
Bosero di Ministerio
Públiko Norman Serphos
a konfirmá ku ya a hasi
e promé detenshon, pues
esnan ku sa ku nan tin
butnan habrí por konta ku
nan lo bai risibí bishita na
kas.