Page 20 - ATA
P. 20
3 MINS
POST VIEWS: 2
ORANJESTAD, Aruba
Minister Otmar Oduber: Vision Infrastructural y turistico ta riba mesun liña
Dialuna Mainta Minister encarga cu Infrastructura Otmar Oduber a reuni hunto cu colega Minister
encarga cu Turismo Dangui Oduber, Director di DOW y CEO di ATA. Topico di e reunion tabata pa
trata desaroyonan infrastructural den area turistico/hotelero.
A combersa riba e prioridad cu mester tin pa e mehoracion di infrastructura den area di ‘High Rise
Hotels”, cu ta den un situacion bastante deplorabel. A papia riba posibel mehoracion di e careteranan
pero tambe e situacion di parkeo den e area aki, pa por crea e facilidadnan necesario. Tambe a trata e
sistema di rioleering cu ta uno anticua y cu mester atencion, combina cu embeyecimento cu mester
tuma luga den e area aki tambe.
A reuni cu DOW, Minister y ATA pa mira con lo por tin un esfuerso conhunto pa logra trece e
cambionan infrastructural. Naturalmente esaki lo tuma un tiki mas tempo mirando cu kier hacie na un
manera efectivo. Lo hinca un planificacion cu ta encera full e trabou cu mester wordo haci, Minister
Oduber a splica. Otro areanan cu a papia riba dje ta e area unda cu barionan ta yega y cu ta haya hopi
biaha cu turistanan ta keda crusa riba caminda, cual ta obstaculisa e trafico y causa congestion den
centro di ciudad. Posibel solucion pa a problema aki ta, a pensa pa bin cu tipo di reels manera cu tin
na aeropuerto, pa evita cu bo ta haya cu turistanan ta crusa tur caminda y enbes ta dirigi nan na algun
caminda specifico pa crusa caya. O mira hunto cu Minister di Turismo DOW y ATA, con lo por yega
na un pensamento y planificacion pa ehecuta cambionan necesario cu ta yuda cu seguridad di e
turista y e fluho di trafico.
E vision di Minister encarga cu infrastructura y Minister encarga cu Turismo ta riba mesun liña cual
ta haci cu e trabounan ta bira hopi mas facil. Cosnan cu den pasado tabata keda pega aworaki ta mira
cu lo por inicia cu e proceso pa e trabounan por wordo haci, Minister Oduber a termina bisando.
