Page 36 - MIN JUS

Dimas ta haciendo evaluacion riba sesion di informacion pa e
proyecto Dreamers

Monday, 08 May 2017 20:54
Comparti

Manera ta conoci na DIMAS tabata un situacion fastioso diaberna riba e prome anochi cu e sesion di
informacion encuanto Dreamers a tuma luga.
Durante entrevista Kathy Paskel a splica con e siman a habri y tambe e pre evaluacion cu ya caba a wordo
haci. El a splica cu durante e prome sesionnan cu a bay den dos tanda, a logra informa 250 persona mas
of menos. A haya 107 formulario yena cu hendenan cu kier aplica pa un cita pa bin na remarca pa e
permiso Dreamers. A wak tambe cu no tur hende a yena e formulario corecto of full, pero lo wak con ta
atende cu esey. A sinta despues un rato e anochi ey mes, pa wak kico a bay bon, kico a bay menos bon y
den curso di dia lo sinta cu stakeholders pa asina determina con e siguiente sesionnan lo sigui.

Situacion
Tin un pre evaluacion caba. E luga mes a carga mas of menos 200 pa 225 hende pa cada sesion. Por bisa
tambe cu e grupo cu a acudi for di tempran, tabata un trankilo. Tabata tin hopi hende berdad y tin cu no
ta fit e proyecto y a bin toch y a tende cu e informacion no ta pa nan destina. E grupo por lo general a
comporta nan mes netjes. Locual cu a mira si, cu na cierto momento a surgi dilanti di e porta un
pushamento cu a haci cu polis tambe mester a conseha pa mantene orden publico. E ora a duna conseho
pa no sigui cu e di tres sesion, cual tabata uno extra cu a planea.
E localidad na Dimas, no lo uza mas pa diabierna cu ta bin. Den curso di siman lo anuncia cua e lo bira. A
check algun caba. Tin di nan ta disponibel, tin no ta disponibel. Awor aki e siman aki ta pa determina cua
e lo bira, Paskel a splica.

Sesion di informacion
Durante entrevista cu mr Kathy Paskel a splica y comenta un tiki riba e necesidad pa un sesion di
informacion. E directora di DIMAS a splica cu e anochi ta pa complimenta e informacion. Tur cos ta
online caba pa aplicacion.
Locual cu a haci, ta duna via media, kico ta e cuadro. Si bo sa kico ta e scope y bo tabata sa cu bo ta fit den
dje y ta aplica pa e cita. Tin tur formulario online, e checklist y aplicacion pa cita. No ta necesario
eigenlijk pa bin na e sesion di informacion pa bin na remarca pa aplica pa e permiso Dreamers. Nan por
manda e formulario di citacion via email y lo atende cu esey tambe. Loke lo bay haci e siman aki, mirando
tur e preguntanan cu a haya ta traha un lista di tur e preguntanan cu a wordo mas haci y publica esaki
tambe pa tur hende por lesa esaki y cada biaha ta haya preguntanan cu ta ripiti, cu e speransa cu nan ta
fit toch e scope. E ora ta pone riba website tambe y publica den medionan di publicacion.

Grupo su status
Den e grupo cu a drenta paden, algun di nan tabata tin firma liber. Ta e falta of mes informacion cu a
cana pafo, cu nan a tende cu tin un anochi di informacion na Dimas y nan a bin. Tin di nan a bin bao di e