Page 38 - MIN JUS
P. 38
Dump ilegal na Weg Fontein opera cu
bendicion di gobierno
Posted on 05/8/2017 5:39 pm AST | Updated on 05/8/2017 7:58 pm AST
ORANJESTAD – Pa añanan largo, un dump ilegal na Weg Fontein a opera ricibiendo
asina yama sushi seco, pero tambe sushi di cas y te hasta asbest. Habitantenan di e bario a
keha serca gobernantenan y instancianan, pero no a haya oido.
Sinembargo, propietario di e dump ta bisa cu e mes tabata tene entre otro polis na altura
di cargacionnan grandi di sushi di mata y material di construccion. Tur esaki mientras cu
oficialmente tin un maneho contra dumpnan ilegal.
Juliana ‘Deta’ Rasmijn ta biba banda di e dump, cual tabata un buraco for di cual a saca
santo cu grijs te ora cu a dicidi pa yene bek cu desperdicio di construccion y matanan.
Stof tabata drentando su cas practicamente tur dia, te den oranan di marduga. Na dado
momento e taxista di edad halto hasta a haya su mes bayendo specialista pa problemanan
cu su wowo. Ras ta bisa cu el a yama autoridadnan diferente biaha, pero nunca esakinan
lo a tuma accion contra e dump.
Sin permiso
