Page 43 - MIN JUS

Grupo specifico cu ta cay bou di proyecto Dreamers ta
bibando na Aruba hopi aña caba

Monday, 08 May 2017 21:03
Comparti

Durante entrevista cu Kathy Paskel a puntre tambe si e proyecto Dreamers nifica cu ta ilegalnan cu lo ta
hayando nan permiso liber? Of si e proyecto nifica mas hende cu lo drenta nos isla como stranhero?

E directora di DIMAS ta splica mas.

Esaki ta un grupo specifico cu ta na Aruba caba, e ta contesta. Hendenan cu a bay scol na Aruba, a forma
nan mes na Aruba, a integra na Aruba of a nace na Aruba, y pa mil y un motibo, nan mayornan no a
percura pa nan den e periodo cu a pasa aki, pa sea nan tin un firma liber of un otro status. Tin di nan ta
legal actualmente cu un permiso anual, tin di nan no tin permiso, pero den tur caso, esunnan cu ta cay
bao di e scope di dreamers, tin mas cu 10 aña na Aruba y ta bayendo scol of a caba scol na Aruba. No ta
hendenan nobo cu ta drentando, sino cu e ta bay pa un grupo dirigi specifico cu bo por bisa ta mucha y
adultonan hoben.

Nan bida ta forma na Aruba
Nan bida ta forma na Aruba y tin di nan a pensa den e sentido cu nan a nace na Aruba y cu nan no conoce
otro luga cu ta Aruba. Den cierto momentonan den nan bida, por ehempel ora di selecciona den deporte,
por surgi cosnan fastioso, y ora di studia. Pero tambe studiamente tin otro cos cu por impedi. Si bo no
por financia e parti di bay afo, si bo no tin nacionalidad, ta cosnan separa. Den tur caso e proyecto aki
kier atende cu e grupo specifico ey, y duna nan oportunidad pa ta lega y na un forma permanente.

Termino stipula
Peticionnan pa firma liber, lo tuma e termino stipula den ley cu ta 12 siman. Un excepcion cu lo haci cu e
candidatonan cu ta den examen, tin di compronde cu ta ocho mucha y esey lo atende mas lihe pa nan por
keda cla mas prome.

Cuanto mucha
A haci un aproximacion prome cu a cuminsa cu e proyecto. A calcula riba 400 cu na e momentonan ey ta
bayendo scol, pero e proyecto aki ta acapara tambe hendenan cu a caba scol cu ta haci cu ta entre 400 y
1000, Paskel a splica.