Page 5 - 24.5x35cm Citgo bini

total di 1,159 miyon di hectaria na Lago di Maracaibo pa exploracion di petroleo. Esaki a marca e
comienso di e link historico entre e industria di petroleo y Aruba.
Na comienso e no tabata facil mirando cu tabata tin diferente trabanan pa surpasa. Aunke e basin di
Lago di Maracaibo tabata bastante profundo pa e tankeronan navega e entrada pa e lago tabata
demasiado plat pa motibo di e Zapara Bar y asina obstaculisando e entrada di e tankeronan mas grandi.
Pa contra-aresta e problema aki tankeronan cu bom plat a wordo introduci. E tankeronan aki tabata
colecta e petroleo di Lago di Maracaibo, hiba nan p’afor unda e tabata wordo traspasa pa e tankeronan
mas grandi. Na 1924, e compania ta cumpra British Equatorial Oil Company, Ltd., y asina ta logra haya
tankeronan mas chikito pa transporta petroleo di Venezuela. Lago Petroleom Corporation, Ltd., tabata
tin hopi tereno di petroleo, tin di nan sin explora y expansion den futuro tabata premira, dos
representante, Captain Robert Rodgers, y Mr. J. Oswald Boyd a wordo manda riba un mision pa wak e
posibilidadnan pa establece un lugar pa almacena e petroleo como tambe pa transporte.
Inicialmente solamente Corsow tabata den nan miras, pero Royal Dutch Shell tambe tabata tin nan
wowo riba Corsow. Na final Shell a gana e contienda y a haya Corsow lagando e dos individuonan hunto
cu un di tres cu a join nan, Captain William Clark, man bashi. Pa casualidad e prome Havenmeester y
Loods, di Aruba, Richard Johannus Beaujon (Captain) tabata na Corsow y mirando loke cu a pasa mesora
a bula aden y a invita e tres cabayeronan aki pa bin Aruba y wak e waf natural di San Nicolas. Asina nan a
bay na e parti zuidoost di Aruba – San Nicolas, unda nan a yega riba Augustus 14, 1924.
Despues di a sondea e lugar e tres cabayeronan aki confidencialmente a recomenda cu San Nicolas lo
mester ta e lugar di escogencia.

Richard Johannus Beaujon a bira e prome Havenmeester pa Aruba y tabata un Eerste Loods. Yiu
mayor di Jan Hendrik Beaujon, lods di e minanan di fosfaat. E la crece na e Baai di San Nicolas y
tabta concoce for di cabes. E tabata sa na e momento ey cu Aruba lo mester ta e lugar pa e refineria
di e Mericanonan. Pero e no por a premira kico e yegada di e tres cabayeronan na Aruba lo a haci pa
e futuro di e isla.

Riba e recomendacionnan aki e dicision a cay na October 1924 pa establece un stacion pa almacena,
refina y tranporta petroleo na San Nicolas. Dos luna promer, riba augustus 12, 1924, un grupo di siete
directornan provisional a haci un aplicacion pa establece e compania nobo “Lago Oil & Transport
Company, Ltd. E meta di e compania tabata pa establece un stacion di transporte pa azeta crudo di
Venezuela na Aruba. E compania nobo a residi na Ottowa, Canada como un compania Britanico y lo
tabata responsabel pa tur actividad na Aruba. Captain Robert Rodgers a haya poder completo pa
establece Lago na Aruba riba 6 di februari, 1925.
Den e reunionnan cu a sigui na e famoso cas blanco di John G. Eman (Shon Dudu) cu tabata doño di e
tereno grandi rond di e baai di San Nicolas, Captain Rodgers y Shon Dudu a yega na e acuerdo di benta di
e tereno pa un suma di 25,000 Florin aunke cu Captain Rodgers a indica na su persona cu e tabata bal
hopi mas, pero Eman a duna su palabra y a keda para na dje – segun su yiu muher Ludwina (†).
Asina e construccion di Aruba su prome refineria a cuminsa: Lago Oil & Transport Company.
Despues mas tereno a wordo duna den forma di consessie pa 75 aña y esakinan a bira erfpacht despues.
Construccion y instalacion di e prome pier a cuminsa. E entrada di e baai mester a wordo coba pa asina
acomoda e tankeronan cu lo mester a drenta cu e material prima pa wordo almacena y refina. E