Page 13 - bon-dia-aruba-20211112

a13
riba caya Diabierna 12 november 2021

Santa Rosa a bishita na St. Paulus School na San Nicolas

Santa Rosa ta keda educa tanto grandi y chikito. Si nan no
ta bin Santa Rosa , Santa Rosa ta bay serca nan. E team di
Santa Rosa cu hopi entusiasmo a duna un presentacion pa
e muchanan di St. Paulus School na San Nicolas. E meta ta
pa stimula nos mucha nan for di hoben riba e importancia di
nos Sector Primario y con nan tambe por aporta hunto cu nan
famia pa por planta nan mes na cas. Tabata un dia hopi infor-
mativo y di alegria pa e muchanan y nan puntra hopi pregunta
y haya sa hopi teoria cu nan no tabata sa di un mata y con pa
planta e mata. Santa Rosa lo keda duna di su banda pa sigui
educa y informa riba sector primario.