Page 9 - AM201211

Diabierna, 11 December 2020 AWEMainta 9

Cas di Luz di Seroe Preto lo sende den

2020 den sistema di “Drive Through”

APESAR di e situacion di e pandemia di

Covid 19 andando y cu tur e medidanan
cu no ta permiti aglomeración di hende,

Hubentud Uni Seroe Preto a dicidi di

tog sende e luznan di Sero Preto na San
Nicolas den celebración di nan 35 ani-

versario como Fundacion.

Inoficial nan ta existi ya pa 50 aña cu
a cuminsa como “Flying High Park”,

despues “Cas di Luz” y no kier a laga

e bario pasa fin di aña sin haci algo p’e
temporada.

E aña aki lo usa e decoración di e aña an-

terior mes, y ta bay den estilo di “Drive

Through”. No tin bendemento di cum-
inda ni bebida pa recauda fondo ni por

yega cerca, ya cu e lugar lo ta cera cu un
tipo di cura pa cortesía di Bohama NV.

Autonan por pasa wak so, no ta permiti

aglomeración di hende ningun caminda
ey banda.

Lo tin control di Polis pa tur cos bay or-

ganisa. Esaki sra. Selma Helder, Vice
Presidente y Secretaria di Hubentud

Uni Seroe Preto a anuncia ayera.

Dia 12 di december awor ta sende e

luznan di Cas di Luz Seroe Preto pa 7pm
te cu 10 pm y asina tur anochi te cu dia

6 di januari 2021. Ta pidi un y tur pa

mantene reglanan vigente di DVG y
pasa únicamente den auto so disfruta di

e luznan y a pesar di tur cos sinti alegría
di fin di aña.

Selma Helder a gradici tur hende cu a

yuda y specialmente e sponsornan Aru-
ba Bank, SETAR y Bohama.

Danki pa semper a sostene e proyecto pa

pueblo di Aruba aki cu den e temporada
di fin di aña cu e Cas di luznan di Seroe

Preto a bira un atraccion bunita.