Page 13 - MIN ARENDS_Neat

26 AWEMainta Dialuna, 19 Juni 2017

Minister Mike de Meza a celebra Dia di Tata

cu empleadonan di Casa del Mar

SIMAN pasa, acercando celebracion di Dia di Tata, a invita Minister di
Turismo, Transporte, Energia y Medio Ambiente, Ing. Mike de Meza,
pa celebra hunto cu e tatanan na Casa del Mar Hotel.
E mandatario a acepta e invitacion y a topa cu e tatanan balente cu tur
dia ta traha cu hopi dinamismo pa e hotel, pa hiba nos turismo padilanti,
pero tambe pa por percura pa lanta nan yiunan na un forma digno.

E evento a tuma luga den cafetaria di e hotel, pa cual Minister Mike de
Meza a combersa cu e trahadonan, a topa cu e Gerente General di Casa
del Mar, pa tende di nan plannan den e temponan nos dilanti.

Pa casualidad, durante e celebracion, e miembronan di Hunta di Supervi-
sion di e hotel tabata na Aruba pa nan reunion anual y a probecha topa
cu e mandatario, pa tende di dj’e e vision y plannan di Aruba pa sigui
desaroya turismo di nos pais.

Minister Mike de Meza a desea tur e tatanan trahando na Casa del Mar
un feliz Dia di Tata y pa nan sigui di ta un bon ehempel pa nan yiunan.