Page 16 - MIN ARENDS_Neat

16 AWEMainta Dialuna, 19 Juni 2017

Minister Mike de Meza a topa delegadonan di Florida-Caribbean Cruise Association

Aruba te un di e destinacionnan

mas gusta den Caribe pa cruceronan

Danki n’e inversionnan grandi den centro di Oranjestad

SIMAN pasa Aruba tabata anfitrion di ehecutivonan di e sector di tur-
ismo crucero. Miembro, empleado y invitadonan di Florida-Caribbean
Cruise Association tabata na Aruba p’e conferencia di “Platinum As-
sociate Member Advisory Council Conference” (PAMAC).
E tipo di conferencianan asina ta sirbi como un bon oportunidad pa
Aruba por ilustra avancenan den nos industria turistico y kico tur nos
tin pa ofrece na turistanan crucero.
A ofrece e participantenan di e conferencia un tour pa conoce nos
isla. Diaranzon mainta, mientras nan tabata canando den area di
waf, apreciando e inversionnan multimiyonario cu Gobierno a haci
den infrastructura y embeyecimento di e area, a probecha pasa saca
potret n’e borchi di “I Love Aruba” unda cu Minister ing. Mike de
Meza a baha topa cu nan.
A invita tambe Minister Presidente Eman y Minister di Asunto Eco-
nomico, Arends, pa tambe join pa un potret cu e delegadonan.

Aruba ta un destinacion masha gusta pa turismo crucero y un di e
islanan mihor bishita. Compara cu e prome 5 luna di 2016, turismo
crucero na 2017 a aumenta cu 12.8%.
Esey ta un total di 45.015 bishitante mas cu e mesun temporada di
aña pasa. Durante un estudio haci na 2016 dor di A.T.A. diferente
aspecto ta destaca; ora a puntra e turistanan crucero con nan ta haya
e cordialidad di nos localnan, 94% a responde cu nan ta satisfecho/
hopi satisfecho cu esey.
Ademas, 66% di e turistanan crucero a indica cu nan a scoge nan linea
di crucero, pasobra Aruba tabata riba e itinerario. Nos cordialidad,
seguridad y nos beachnan ta keda e tres factornan mas importante
p’e bishitante.
Florida-Caribbean Cruise Association ta un organisacion comercial
no lucrativo consistiendo di 19 miembro di liñanan crucero operando
cu mas di 100 barco den lama di Florida, Caribe y Latino America.