Page 4 - ATA

eroneo ta wordo treci dilanti. A mira tambe cu tin cierto medionan di comunicacion

specifico cu ta dedica na trece e noticianan aki padilanti cual no ta cuadra cu realidad.

Minister Oduber a splica cu e situacion aki ta bira hopi mas lamentabel ora cu mira

miembronan di oposicion den Parlamento di partido AVP ta sostene e informacionnan aki

cu no ta basa riba e berdad. A scucha miembro di Parlamento sr. Candelaria papia cu

ATA entre otro lo a cumpra propiedadnan pa e Ministerio di Turismo anterior y cu

esakinan nunca a wordo laga atras. Pa cual Minister Oduber ta garantisa comunidad di
Aruba,cu ATA no a haci compra di ningun ekipo pa e Ministerio anterior y tampoco pa

Gobierno anterior. E insinuacionnan aki ta totalmente falso y pues ta spera cu sr.

Candelaria por coregi esaki pa motibo cu ta daña nomber di un instituto serio, esta ATA.

Aki no ta trata di persecusion di ningun persona, simplemente cu propiedad di Gobierno

mester keda na Gobierno.

Mas informacion falso

E mesun medionan di comunicacion aki a bisa cu Minister Oduber tin auto masha caro ta

core cual lo a caba di adkeri como Minister, mientras cu e unico auto Minister Oduber ta

core aden ta e mesun auto Lincoln cu ex Minister Benny Sevinger tabata core. Tambe e

medionan di comunicacion a indica cu tin ekiponan cu Minister Oduber a hiba tempo cu

a baha como Minister, sinembargo Minister Oduber no a sali cu nada for di
Bestuurskanoor, como cu e decision pa no bolbe, a wordo tuma for di cas.

Ekiponan pocopoco ta apareciendo

Mester accentua cu mientras cu e medionan di comunicacion aki ta trata na trece

informacion falso dilanti y pretende cu niun persona a bay cu ekipo di Gobierno, email

nan ta drenta indicando lo contrario. Diripiente tin personanan ta manda email

informando cu nan tin laptop, ipad entre otro di gobierno cu nan ta dispuesto pa trece

esakinan bek of cumpra esakinan.

Ta haci suplica na esnan cu ainda tin pertenencia di Gobierno pa porfabor trece esakinan

bek. Ta lamentabel pa mira cu 3 siman y mey cu e Gobierno aki ta sinta, ainda Setar no