Page 40 - MIN ON 20 OCT 2015
P. 40
Cu perseverancia Gobierno y Universidad di Aruba a logra
haya participacion den programa ‘Erasmus Chapter’
Publication: Tuesday, 20 October 2015. Categoria: General
Mr. drs. Cedrick Tilma, representante permanente di Aruba na Brussels
ORANJESTAD(AAN): Europahuis tabata sede
di conferencia di prensa di Prome Minister Mike Eman dialuna mainta unda a anuncia e logro
mas recien riba tereno di enseñansa. Aruba porfin por participa den e programa di intercambio di
studiante entre Universidad di Aruba y Universidadnan acredita di Union Europeo cu e asina
yama ‘Erasmus Chapter’.
Tabata un conferencia special via Skype unda tabatin contacto tambe cu e representante
permanente di Aruba na Union Europeo mr. drs. Cedrick Tilma. “Ta un gran dia pa nos haci un
serie di anuncio positivo,” Tilma a cuminsa na bisa.
Segun el a splica, pa hopi aña a bin ta tratando di demostra e balor agrega di un relacion cu
Union Europeo y “resultado di esaki ta cu awe nos por haci uzo di un programa positivo di
educacion Europeo di intercambio di studiante ”. El a presenta dos studiante Arubiano, Mynorka
Daza y Grixeny (Tanisha) Ponson cu ta haciendo uzo di e programa di intercambio aki,
demostrando asina e balor agrega di e relacion cu Union Europeo y e programa ‘Erasmus
Chapter’.
E derecho cu Aruba tabatin pa haci uzo di e programa aki ta existi pa hopi aña, pero tabata
imposibel pa Universidad di Aruba drenta den e programa, pasobra Aruba no tabata cay bou di e
sistema Hulandes di participacion na e programanan aki (cu mester di un certificacion).
Tabata algun aña pasa cu rector di Universidad di Aruba a cuminsa cana e caminda pa logra haya
entrada, ya cu el a expresa na diferente ocasion cu “no ta husto cu riba papel nos tin acceso na e
programa pero den practica no.” Asina a cuminsa e procedura pa via di Ministerio di Enseñansa
haci e adaptacionnan necesario. “Ta hopi bunita pa mira cu e oportunidad aki finalmente a bira
realidad y awe ta den ehecucion”
Tambe Tilma a expresa cu e ta contento cu e intercambio di studiante cu a worde logra cu
Greenland, ya cu tabata durante e mesun encuentro di dos aña pasa cu Glenn Thode na Brussels,
