Page 36 - HOSPITAAL

Den entrevista cu e Cardiologo, Dr. Casper Lacle, el a splica cu esaki ta pa trata e
pashentnan cu ta sufri di adernan cera di curazon.

Dr. Lacle ta contento cu nan a logra esaki, siendo cu den pasado nan a yega di manda

centenares di pashentnan pa exterior via air ambulance. E grupo di Cardiologonan na
Aruba ta celebra e logro aki y ta hopi contento cu despues cu hopi aña cu diferente
persona a haci nan maximo esfuerzo pa cuminza cun’e, por fin el a bira un realidad y e
ta bayendo hopi bon.

E malesa di curazon tin registro di hopi caso na Aruba y ainda tin un cantidad di pacient
cu ainda mester a manda afo, door cu e compleho aki tin un siman so den fase di ‘fine-
tuning’ ainda, cu instalacion di tur e aparatonan, pero nan a haci ocho procedure caba

unda cu cinco a wordo trata cu steam, pero den promedio e cantidad di 300 pashent pa
aña, casi mesun cantidad den promedio cu Hulanda unda tin registra mas o menos 290
di cada 100 mil pacient.
En todo caso, locual por mira ta cu e cifranan aki por sigui crece den futuro na Aruba,

segun dr. Casper Lacle.

Semper algun grupo di pacient ta keda bay afo, den caso di esun cu mester cirugia di
curazon y tambe esun cu mester opera klep di curazon tambe, pero e resto, ta gran

parti por keda atendi na Aruba mes unda cu e 50 pa 70 % percent pa aña di e
pacientnan cu tabata wordo manda den Air ambulance y awor ta haya cuido di biaha.

E ekiponan nobo cu a bini ta di ultimo generacion den Caribe y Latino America, y tambe

tin otro aparatonan cu ta yuda pa wak den e arterianan , no solo e imagen sino como e
ta mustra di paden anto esaki tambe ta e unico den Caribe cu tin Cap Lab.

E proveedor di e ekiponan aki a puntra nos specialistanan si den futuro lo por sirbi

como training center.