Page 53 - HOSPITAAL

Durante e ultimo añanan nada a wordo haci pa cu e tema aki. Consehero di Minister di
Salud Publico, dr. Gerrit Croes ta amplia.

Prome Minister Sra. Evelyn Croes hunto cu Minister di Deporte y Salubridad Sr. Dangui

Oduber a instala un comision cu ta encarga di evalua, analisa y bin cu un solucion pa e
problema aki. For di basta tempo ta presenta problema aki desde e introduccion di AZV,
unda profesionalnan cu a bay studia medicina den e area di e Caribe, America y Centro
America ta haya problema pa traha na Aruba.

P’esey e comision aki a wordo conforma unda cu practicamente nan tin un solucion
caba, caminda cu Minister di Salubridad a invita tambe e diferente instancianan cu tin di
haber cu salud publico na Aruba, unda mas tanto tabata haci falta un boluntad politico

pa yega na un solucion.

Pronto tur esunnan cu a bay studia den region cu ta medico, cu ta sin trabao y pronto
nan lo haya trabou. Den pasado gobierno anterior no a haci nada riba e tema, unda cu

mas tanto tabata falta di boluntad politico cu nada no a wordo haci. Den pasado e
gobierno anterior a papia di AruBig, pero nada no a wordo haci ariba esaki.

Como pais autonomo den Reino, Aruba mester ta capaz pa tuma decision den nos pais,

y esey ta loke ta sucede actualmente. Bin cu sistemanan pa evalua y analisa y dicidi
kico e persona ta bay haci den e campo medico. Ta yegando na un consenso pa locual
ta un evaluacion di calidad pa loke ta cuido medico. Vooral e BIG lo percura pa mehora
e cuido cu ta wordo duna, pa tur esunnan cu ta dunando cuido na Aruba. BIG ta un

registracion medico pa esunnan trahando den e sector, pero lo percura pa mehora e
calidad di e cuido tambe.

Tin profesional medico cu no ta trahando riba nan area actualmente y riba esaki dr.

Gerrit Croes Ta bisa cu nan ta trahando riba esaki y ta keda haci e esfuerso pa duna
oportunidad na tur esunnan cu a bay studia na Colombia, Venezuela y Costa Rica pa
nan por haya evaluacion pa wak ken por fit den e perfil profesional.

Naturalmente como pais di Reino Hulandes, Aruba ta keda busca apoyo di e
instancianan, manera e Departamento di Enseñanza cu lo ta central pa evaluacion di
diplomanan. Y e grupo di calidad di cuido medico tambe t’ey pa haci e evaluacionnan
pertinente.