Page 54 - HOSPITAAL

Ta importante pa enfatisa cu esaki ta wordo haci exclusivamente pa e yiunan di tera cu
a studia den regio, pa no bay crea ni un confusion riba esaki y no bay kere cu stranhero
por bin traha den e area aki na pais Aruba y cu esaki no ta bay tuma luga tampoco.

Esnan cu a studia medicina na Hulanda

Otro punto importante ta cu esunnan cu ta bin for di Hulanda den medicina tambe
mester a demostra cu nan ta profesional den nan area di cuido medico y tambe nan ta

keda wordo evalua, siendo cu mester percura pa e mercado medico keda disponibel pa
e hende profesional local pero lo mester sigui cierto reglanan specifico pa wak kico tin
mester na Aruba.

Tin metanan unda cu mester bin cu programa di guia den studio profesional y esaki
mester luga, unda cada ken tin un libertad riba pa scoge nan carera profesional, pero
tin cu bisa cu hende ta tuma su risico di bay studia cierto profesion na cierto caminda
unda cu kisas no ta bay haya trabou den e area specifico ey na Aruba.

Tin un caminda riba esaki den futuro, unda cu e cambionan aki ta cuminsa tuma luga
den e siguiente simannan y tin cu keda cla cu medidanan legal prome, unda cu tin un
consenso di tur e Ministernan riba e tema unda cu tur lo tin e mesun pensamento.

Aunke ta bay tin gasto pero e decision final ta keda pa yuda tur e profesionalnan na
Aruba pa haya trabou y ta bay tin un registro medico pa haya sa cuanto profesional lo
tin na Aruba y riba cua specialidad.

Por ultimo a ser conoci casonan di hende cu ta trahando den forma ilegal como medico,
unda cu nan ta bezig riba esaki tambe y di casonan di remedi cu ta drenta na Aruba
tambe unda cu dr.Gerrit Croes a splica cu nan ta conoce e situacion aki y a yega di

pone algun denuncia di casonan cu a wordo descubri caba cu hende cu ta bin traha un
par di luna y hasta nan ta trece nan propio ekiponan medico unda cu gobierno ta tuma
accion den corto plaso cu esaki.