Page 34 - AWEMAINTA

34 AWEMainta Diahuebs, 12 April 2018

Deporte

Prome clinica

di baseball

internacional

exitoso

E aña aki pa prome biaha e organisacion di Hammershark y Aruba

Juniors a organisa hunto cu Curaçao Baseball Academy (CBA) e
“1st International Youth Baseball Camp” dianan 4 – 7 di April,

unda cu hopi mucha a yega na veld di Aruba Juniors. E camp ta-

bata un exito, unda cu e muchanan a siña mas di e coachnan di
Corsou.

Coordinador di Curaçao Baseball Academy, Jair Quandt, a expresa
cu e clinica di baseball tabata un exito y pa esaki nan tabata feliz.

E coachnan di CBA a bin cu e percepcion pa hisa e nivel di hopi
hungado di baseball, pa nan e nivel tabata halto caba. Pa esaki

nan a dicidi di traha riba e fundamento, di cual durante e clinica e

coachnan a pasa riba tur posicion riba e veld cu e muchanan.

E coachnan di Corsou a elogia e coachnan di Aruba p’e bon trabou-
nan haci cu e muchanan. Aparte di a duna training na muchanan,

tambe a yuda coachnan di Aruba. A traha riba drillnan cu e coach-

nan lo por uza cu e muchanan, manera strategianan pa ta mas
miho. Baseball a bira moderno y tin hopi cambio, pa esaki a pre-

para e coachnan pa nan ta certifica na nivel di MLB.

Burger King tambe tabata presente den e clinica y e representante

Lev Varela, multi outlet manager di Burger King, a expresa cu nan

ta un di e sponsornan principal. Pa hopi aña caba Burger King ta
sostene esaki, cual ta un proyecto cu nan ta haya cu ta necesario pa

comunidad di Aruba, specialmente den e parti di motiva muchan-
an pa participa den deporte. Na momento cu a acerca Burger King,

nan tabata sa cu e organisacionnan lo cumpli cu e muchanan. Ta

un dedicacion grandi pasobra na final di dia e muchanan ta e fu-
turo di Aruba.

Despues cu e clinica a termina, tur mucha a ricibi nan certificado

di participacion. Tur mucha a pasa un momento dushi, unda cu

nan a siña mas tecnica cu ta yuda nan durante nan weganan.