Page 33 - AWEMAINTA
P. 33
Diahuebs, 12 April 2018 AWEMainta 33
Deporte
Arsenal ta gana Estrella 2 – 0 cu golnan anota
pa Juzmary Werleman y Stephany Leon
E futbol femenino a continua dialuna ano-
chi den stadio Guillermo Trinidad na Dakota
ora cu e ekiponan di Arsenal y Estrella a topa
otro. Den ambos ekipo nos por a mira hopi
caranan hoben combina cu esnan un poco
mas experencia. E ekipo di Arsenal a ataca
mas cu Estrella y a haya algun bon oportuni-
dad pa habri e marcador pero e acabada pa-
dilanti no tabata fuerte unda hopi oportuni-
dad clave a bay perdi. Di otro banda Estrella
rato rato tabata yega padilanti di e gol di Ar-
senal unda cu a opta pa hunga e bala largo.
Na di 27 minuut un fayo di e defensa central
di Estrella, e delantero Juzmary Werleman ta
kita e bala for di dje y ta drenta e area penal
uzando su liheresa, e ta laga dos defensa su
tras y cu un tiro lastra den skina cortico e ta
bati e portero di Estrella pa e 1 – 0. Den e
di dos tempo, Arsenal a sigui den atake y ta
logra anota un gol mas pa medio di Stephany
Leon pa asina e wega finalisa 2 – 0 na fabor
di Arsenal.
Den un combersacion cu sosteni Pedon Mo-
rillo di Arsenal e ta conta nos cu Arsenal no
ta mesun fuerte cu aña pasa unda e termina
na di cuater lugar. E ekipo no ta entrena se-
rio unda tiki hungador ta yega tereno di bala
y esey ta hasi cu no tin un bon sistema di
wega unda hopi batimento di bala ta tuma
luga. Di otro banda entrenador Lando Eve-
ron di Estrella ta conta nos cu e ta satisfecho
cu su ekipo mirando cu awor numa e mu-
cha muhernan a cuminsa na hunga bala y e
progreso real den cada uno lo por ser mira
dentro di dos aña. Asina mes e ta sigur satis-
fecho cu nan prestacion y sigur e atendencia
na entrenamentonan
