Page 13 - bon-dia-aruba-20211104

a13
riba caya Diahuebs 4 November 2021

Fundacion ta pidi ayudo di

comunidad

Fundacion Nine Lives Aruba, cu ta encarga cu rescate
di pushi riba nos isla, recientemente riba nan pagina di
Facebook a haci un yamado na comunidad pa ayudo pa
Gasparito, un pushi cu nan a rescata cu tin mester di
atencion veterinario.

Segun e fundacion, Melissa Georgopolis, miembro di e grupo
“All Things Aruba” riba Facebook a post pidiendo ayudo pa
un pushi cu el a mira cerca di e apartamento unda e tabata
kedando na Gasparito. E pushi tabatin un herida habri na su
nek y tabatin mester di atencion medico.

Georgopolis a pidi ayudo di e fundacionnan di rescate, Nine
Lives a dicidi cu simplemente no por a bandona un animalito
cu ta sufriendo. Nan a dicidi di atrapa e pushi y trece esaki
cerca veterinario. Pa hacie, nan a pidi donacion monetario pa
cuido di Gasparito, y comunidad online a responde di un for-
ma sorprendente. Segun e fundacion nan a recauda suficiente
placa cu lo mester tabata suficiente pa cubri tratamento pa su
herida.

Dialuna a trece Gasparito cerca veterinario, unda a haci test di
sanger (FIV/FeLV) y asombrosamente e ta den bon condicion.
Inmediatamente a sterilis’e y a pone un microship y a cum-
insa tratamento pa su herida.

Sinembargo, desafortunadamente a resulta cu Gasparito ta
hopi salvahe. Hasta e veterinario cu experiencia tabatin prob-
lema pa trat’e. Pa e motibo aki, mester pone drumi (anestesia)
cada bes cu mester trata e herida.

Na comienso a pensa cu un bes pa siman lo ta suficiente pa
baha e infeccion y cuminsa e proceso pa cura, pero awo e
resultadonan no ta asina y mester otro siman di tratamento.
Cada dia cu Gasparito mester ta bao anestesia ta costa alred-
edor di cien florin entre remedi, anestesia y su estadia na e
veterinario. Pues un biaha mas e fundacion ta acerca comu-
nidad pa ayudo!

Animalnan di caya y salvahe riba nos isla ta un responsabilidad
di nos tur, nan no por yuda nan mes. Por haci donacion pa
yuda Gasparito di e siguiente forma?:

PayPal: PayPal.me/ninelivesaruba
Aruba Bank account: #6010660190

Of haci donacion directo na e veterinario Animal Care Clinic
Aruba na Paradera. Meciona ‘Gasparito’ na momento di haci
un donacion.