Page 15 - AM250116

Diahuebs, 16 Januari 2025 AWEMainta INTERNACIONAL 15

“Siguridad no ta gratis”

Rutte ta urgi mas gasto di defensa

MARK Rutte, e Secretario General nobo di NATO, a haci
un yamada fuerte durante su prome cumbre di NATO pa

aumenta drasticamente e presupuestonan di defensa den
henter Europa. Den un discurso na Parlamento Europeo,
Rutte a argumenta cu paisnan ta inadecuadamente prepara
pa menasanan potencial di Rusia. “Si nos no inverti mas den

defensa, nos por cuminsa tuma cursonan di idioma Ruso of
muda pa New Zeeland,” el a atverti.

Menasanan creciente y vulnerabilidad di Europa

Rutte a subraya cu e siguridad actual di Europa ta fragil y
cu e situacion por cambia drasticamente dentro di cuater
pa cinco aña. Expertonan di siguridad Europeo ta teme cu
Europa por bira e siguiente blanco di Rusia si Ucrania cay.

Segun Rutte, ta esencial pa aliadonan sigui sostene Ucrania,
tanto militarmente como humanitario, pa stroba Rusia di
regresa. “Nos no ta den guera, pero no tin paz tampoco”, el
a bisa durante su discurso.

Aumento den gasto necesario pa metanan di NATO
Actualmente, 23 di e 32 estadonan miembro di NATO ta cumpli
cu e meta di gasta 2 porciento di nan producto interno bruto

(GDP) riba defensa. Sinembargo, Rutte a declara cu esaki
no ta suficiente y a pidi pa gasto mas halto. E plannan di
Presidente Electo Donald Trump, cu ta boga pa un aumento
na 5 porciento di GDP a genera reaccionnan mixto. Polonia,

cu ya ta gasta 4.1 porciento, ta yama e idea bon bini, mien-
tras Alemania ta considera esaki no factibel. Rutte a enfatisa
cu un meta di por lo menos 3 porciento ta mas realistico.

NATO y EU mester continua cooperacion
Rutte tambe a adverti contra e idea di un “NATO Europeo”
sin Merca, cu el a describi como un “ilusion.” Segun e, esaki
lo rekeri pa presupuestonan di defensa Europeo cuadru-

plica, un proceso cu lo tuma decadanan pa logra. El a urgi
pa NATO y EU mester “traha hunto” pa sigura e siguridad di
Europa.

Enfoke riba menasanan den Artico
Tocante tensionnan rond di Groenland y Artico, incluyendo
e menasa di anexion pa Rusia, Rutte tabata cauteloso. El
a enfatisa cu siguridad den Artico ta un responsabilidad

comparti di EU, NATO y Merca. El a indica cu e topico aki ta
keda un prioridad halto den discusionnan futuro.

Cu su yamada cla pa accion y empuhe pa gasto mas halto,

Rutte a delinea su vision pa un defensa Europeo mas fuerte,
enfatisando e urgencia di neutralisa menasanan tempran.