Page 32 - AM210731
P. 32
12 Djabièrnè 30 yüli 2021
Promé avion Saab
di EZ Air
BON BEIS DEN MAL TEMPU
Skritura: Filipensenan 4:10-13
“Ora bo ta pasa dor di e awanan lo Mi ta ku bo, i dor di e
riunan, nan lo no lastrabo bai ku bo. Ora bo ta kana dor
di kandela, esaki lo no fl amabo, ni e fl am lo no kimabo.”
Isaias 43:2 (BS)
Dios ta sigurá nos pa no tene miedu, pasobra E ta ku nos!
Tur banda rondó di nos tin problema, algun ta enfrentá
nan di e manera mas fásil pero tòg ekiboká manera; dro-
ga, alkohòl, ladronisia. Ta abo ta disidí kon pa reakshoná,
bo por hasié di manera positivo òf negativo, bo por skohe
pa keha òf buska un solushon, bo por permití ku e prob-
lema ta benta bo abou òf ku abo ta riba e problema, bo
por laga nan destruí bo òf bo po skohe pa sali un mihó
persona for di nan. Hopi hende ta pensa ku problema i
doló ta pa kastigá hende. Ta sierto ku e doló tin biaha por
ta resultado di nos mal aktitutnan i mal pensamentunan.
Ehèmpel: si bo ta abusá di bo kurpa dor di usa droga, bo
salú ta bai atras, bo por pèrdè famia i amigunan i asta bo
por bai para te den prizòn. Pero tin kosnan ku nos no tin
kontrol di nan manera un aksidente, malesa, tempestat òf
morto, asta kon un otro hende ta trata nos. Apòstel Pablo
a siña pa aseptá problemanan i krese dor di nan. “Mi sa
di biba humilde, i mi sa tambe di biba den prosperidat;
den kualkier i den tur sirkumstansia mi a siña e sekreto
di ta barika yen i di pasa hamber, tantu di tin abundan-
sia komo di pasa nesesidat, Tur kos mi por den Cristo,
Kende ta dunami fortalesa.” Vs 12-13 Na momento ku bo
tin un difi kultat, ta natural pa reakshoná fadá òf ku mal
beis, pero atmití bo sintimentunan dilanti di Dios i no laga
nan kontrolá bo.
Adán Chirivi Cornejo, Colombia
Si bo ta kere den Dios bo por triunfá
Saká for di: Alimento Pa E Alma, un produkshon
di Trans World Radio Bonaire
E siman aki EZ Air a risibí su promé avion Saab 340 for di Merka. Kapitan Timo-
thy Vaseur i ko-piloto Jose Zambrano a trese e avion aki, ku a aterisá na Kòrsou.
Pronto e avion aki lo drenta operashon di e flota di EZ-Air.
