Page 23 - MIN VOS
P. 23
18 AWEMainta Diaranson, 6 September 2017
Lotto ta felicita e Federacion
di Baseball ABBA cu nan
campeonato 2017 - 2018
DIASABRA atardi bou di entusiasmo grandi den
un Joe Laveist Ballpark yena cu mayor y invitado,
Federacion di Baseball ABBA a inicia cu su tempo-
rada di baseball 2017 – 2018. Mescos cu tur aña a
inicia cu e ceremonia di desfile cu tur e ekiponan
participante den e categoria infantil te cu esnan mas
grandi cu ta AA.
Despues di varios aña ABBA mes ta organisa nan
campeonato di liga infantil, hubenil y grandi. E des-
file tabata uno colorido cu hopi mucha presente, pa
algun di nan e wega di baseball lo ta un experiencia
nobo e aña aki.
Minister di Deporte dr. Alex Schwengle a hiba palabra
unda su persona a boga pa mas union y traha hunto
den baseball.
Tur instancia di baseball mester por uni y yega na
un entendimento pa nos peloteronan por disfruta di
nan deporte sin obstaculo.
Tambe e mandatario lo kier mira mas mucha riba
veldnan di baseball.
Presidente di ABBA, sr. Sherwin Howell tambe a pone
enfasis riba e trahamento hunto unda baseball mester
bisa manera antes e tabata ta. E hecho cu ABBA a
dedica e campeonato n’e baluartenan Franklin Danies
y Milton Croes mester sirbo como un estimulo pa tur
cu ta traha cu alma y cuerpo p’e deporte.
Lotto, e loteria di Aruba hunto cu su partnernan den
deporte lo sigui contribui engrande cu e deporte di
Aruba y sigur baseball cual ta un di e deportenan mas
practica y faborito na Aruba
