Page 5 - IVA FLIP 30 AUG 2017

Ta un grupo grandi y ta pidi e aseguradonan inscribi cerca dentista Hugo van Trigt pa tuma
nota cu AZV a percura pa e continuacion di nan cuido dental por sigui y esey ta nifica si cu
ta bay tin cambio, pasobra AZV ta hopi gradicido na dentista Hugo van Trigt, pero ta asina
si cu una bes nan cumpli 65 aña, e ta asina cu den e contracto tin cu termina pasobra esey
ta e edad unda cu AZV ta stop di sigui cu e dentista.

E atencion mas grandi ta na e fechanan. Tin un grupo grandi cu ta wordo traspasa entrante
1 di October. Eseynan ta esnan pa Aldrick Hunt y e restonan cu a wordo menciona, cu ta un
total di 9 dentista. Banda di esey tin e siguiente grupo cu entrante 1 di November, 2017 ta
pasa pa dentista Kiara van Trigt.

Ta pidi atencion pa tuma nota di esaki y e aseguradonan lo haya nan carta, ya cu esakinan
a wordo prepara y a wordo manda caba pa diferente asegurado cu hasta a yama AZV pa
bisa cu e carta a drenta entre tanto.

Traspaso automatico

Solange Tchong a sigui splica cu e asegurado den e mesun carta, unda cu ta avisa cu ta
brinda e traspaso automatico, ta informa nan cu si nan no ta di acuerdo, nan tin e libertad
pa por bay scoge dentro di e resto di e otro grupo y a hasta manda un lista adhunto cu e
carta, pa asina e asegurado por sa cual ta e otro dentistanan cu e tin como opcion.

E ta asina cu un biaha mas, AZV ta responsabilisa cu mes, nan a percura pa tin un
continuacion di cuido. Na prome instancia a sinta y a papia cu dentista van Trigt, pasobra
kier a brinda e oportunidad pa wak e lista, como cu e conoce su pashentnan mas miho. E
mes por a wak y scoge y duna conseho kico e ta prefera.

Banda di esey AZV tambe ta tuma paso. Nan a bay wak tambe con e informacion di adres di
e clientenan ta y wak kico ta e opcion. Prome opcion ta busca dentistanan den e area di
Playa of vecindario, ya cu a wak cu esey ta e gran mayoria di e clientenan, unda nan ta
biba.

Un biaha mas, esey ta loke nan a haci di nan banda, pero ta berdad, den caso cu e
asegurado no ta di acuerdo cu esaki, e ora eynan e ta haya e chens, e oportunidad pa haci
cambio di dentista y den e carta a bisa nan di ki forma nan por haci esaki. Pero tambe a
duna nan un lista na unda nan por wak e nomber di tur e otro dentistanan pa nan por
cambia, segun Tchong.