Page 12 - AWE-2505_compressed

Diaranson 25 di Mei 2022

Caso di Hit and Run na Wayaca

Dialuna anochi rond di 8:45 varios unidad di polis a bay
pazuid e rotonde di Wayaca, unda cu auto lo a alcansa un
ciclista.
Na yegada di polis nan a topa cu un auto y e ciclista herida
cu kap serio na parti robes di su cabes. E bicicleta mes
tawata benta algun meter mas leu, cu e wiel patras dobla.
Un posibel indicacion cu e vehiculo a dal e di patras.

E auto na e sitio no tawata e vehiculo cu a dal e ciclista,
pero si a presencia locual a sosode y lo a bisa polis con e
incidente a pasa.

Na e sitio nos por a compronde cu lo tawata trata di un
caso di hit and run, lagando e ciclista seriamante herida na
cabes cu e no tawata sa unda e ta y of kiko a pasa.

Paramediconan na nan yegada a controla unda e cabayero
su cabes unda e la ricibi e golpi y a conclui cu e mester bay
Hospitaal, debi cu ta trata di un kap serio.

Ariba caminda por a mira un spiel benta, nos no por bisa si
esaki lo por ta di e auto cu a dal e ciclista.

12