Page 15 - AWE-2505_compressed
P. 15
Diaranson 25 di Mei 2022
Team ‘Misil’ ta cla pa lansa misil bispo di Ascension!
Diaranson anochi, Calabas, Kudawecha,
y vecindario lo sacudi zonidonan di misil
ora cu e team nobis nobis di veteranonan
den domino, esta TEAM MISIL, sali
den nan gran anochi di debut aya n’e
unico y mundialmente famoso Domino
Square Garden net ne grens entre Calabas
y Kudawecha, dilanti e ‘beruchte’ palo di
kwihi cu mal ehempel! Si shonnan, un biaha
mas, e famoso Domino Square Garden
tin otro candeloso encuentro di domino,
e biaha aki entre esnan di edad ‘avansa’,
TEAM MISIL, kendenan lo haci nan gran
debut contra e team di esnan ainda ‘den
broeki’! Cos ta cayente!
Hopi palabra a skeiro bay bin entre es’nan
den edad di ‘pensioen’ y es’nan cu kiermen
ainda no mester di ‘e pildo blauw’!
Wel wel, diaranson awo 25 di mei,
cuminsando pa 7:30 di anochi, e bataya lo
start den tur su furia caminda Team Misil
kiermen cu ya nan tin nan misilnan cla caba
p’e ‘mucha jong’-nan!
Un lista secreto a cay den man di redaccion
caminda por wak varios integrante
peligroso lo figura e anochi ey! Guynan
‘zware jongen’ den domino manera Yoyo,
Tico, Gordon Roy Leyba, Indio, Sonny,
Yayo, Roy Sneek, Tony Trimon y señora,
y last but not least, e guy cu ‘sleight of
hand’ den domino, nada menos cu Robby
Jansen! Manera semper, entrada y snacks lo
ta completamente gratis!
Asina ta shonnan amante di bon domino,
bini uno bini tur diaranson awor, 25 di mei,
cuminsando pa 7:30 di anochi n’e unico
y mundialmente famoso Domino Square
Garden aya na Calabas! Yegaaa!
15
