Page 16 - AM200414
P. 16
16 AWEMainta Diamars,14 April 2020
Haciendo trabao di un bon Samiritano, haya accidente
DIAHUEBS despues di 4’or di atardi, informe a
drenta cu mester a sosode un accidente n’e rotonde di
Jaburibari anto cu herido. N’e sitio nos a bin compronde
cu un dama a bay yuda un persona masculino pa tow su
quadracer. Biniendo for di nort y yegando e rotonde di
Jaburibari e chofer di e auto a brake pa baha su speed.
E persona riba e quadracer no a logra di brake y a pasa
e auto voorbij.
Den esey e cabuya cu tabata wordo usa pa lastra, a pega
bou di e tire di e auto. E velocidad y e peso di quadracer
a pone cu e auto a perde control y bira full di banda. E
persona mes a bula for di e quadracer y e quadracer a
cay riba dje. E persona masculino di e quadracer tabata
keha di dolor na su pia drechi y tabata corta na su bil.
Den tur su dolor e no por a warda mas y a bay hospital
riba su mes cu un auto particular. Polis a presenta n’e
sitio pa tuma tur dato, mientras cu santo a wordo tira
riba e zeta cu a keda plama riba caminda.
