Page 17 - AM200414
P. 17
Diamars, 14 April 2020 AWEMainta 17
Accidente entre un auto y bromer na Balashi
DIAHUEBS merdia entre 1’or y 1’or y mei, Polis a bay
pa rotonde di Drive In, caminda cu ta bay pa WEB pa un
accidente entre un bromer cu auto. Segun declaracion di e
chofer di e auto cora el a baha caminda na su man drechi
y di ripiente e bromer a dal pega su tras.
Segun e manehador di e bromer t’a e auto cora a primi
brake di ripiente y ora el a baha for di caminda e auto
tambe a baha for di caminda y e no por a evita mas y a dal
patras di e auto. E manehador di e bromer mester a dal
su cabes contra e parti patras di e auto. Ambulance a bin,
pero e manehador a declara cu e ta sinti su mes bon y no
a desea di a bay cu ambulance. E resto lo keda den man di
seguro pa wak ken tin of no tin culpa den e accidente aki.
