Page 3 - MIN VOS
P. 3
IBISA TA INFORMA: DEN
TEMPORADA DI CALOR,
HIDRATA BO MES MIHO
8 September, 2017, 12:38 pm
Door di e temporada di horcan e temparatura na nos isla y den Caribe ta mas halto cu
normal. Instituto Biba Saludabel y Activo (IBiSA) kier a corda tur hende cu nos curpa ta
consisti di un gran parti (+ 70%) di awa y pa e motibo aki tambe awa ta indispensabel pa
bida.Nos por biba algun siman sin come, pero nos no por keda na bida ni sikiera algun
dia sin bebe awa. Awa tin diferente funcion importante den nos curpa. Awa ta yuda
regula e temperatura di nos curpa y ta mantene e nivel di likido entre bo ‘joints’, organo y
tehido optimal. Ademas e ta yuda cu transportacion di nutriente pa full bo curpa y ta
mantene e structura di bo cuero hoben y radiante. Nos ta perde awa via orina, sodo, rosea
y ora nos bay af. Nos ta perde casi 2,5 Liter pa dia. Sea bo ta un atleta profecional,
deportista recreacional, traha pafo of ta haci trabou di cas, ta hopi importante pa bo
percura pa bo haya suficiente likido prome, durante y despues di bo actividad.
Sintomanan cu bo por sinti ora bo curpa no ta bon hidrata ta mareamento y dolor di
