Page 34 - MIN VOS

AWEMainta Diabierna, 8 September 2017 25

Real Piedra Plat ta duna

oportunidad na otro team pa

competi den division di Honor

NA prome lugar, Real Piedra Plat kier a gradici un
y tur cu a coopera y traha hunto cu Real Piedra Plat
den e ultimo dos temporadanan aki. Apesar cu Real
Piedra Plat a wordo funda añanan prome den e sec-
cion di Lifida.

E meta principal di a funda Real Piedra Plat tabata pa
duna mas mucha e oportunidad pa practica e deporte
di futbol den e seccion di Lifida cual pa varios aña
a tuma lugar y a cumpli cu e meta ey den diferente
division di Lifida. Mas despues a nace e pensamento
pa motibo cu no tin Reserve Klasse pa cuminsa cu un
team nobo cu lo hunga den division dos cu e intencion
di duna e muchanan jong cu no por hunga Junioren
mas y cu no ta cla ainda pa hunga den hoofdklas e
oportunidad di sigi hunga y practica futbol.

Tambe pa duna e hungadornan cu no por sigi den
hoofdklas y no ta alcansa e edad di hunga Veterano
e mes un oportunidad di sigi hunga futbol. Pero den
un tempo relativamente corto Real Pieda Plat a titula
campeon di division DOS y e aña siguiente titula
campeon di division UNO y consecuentemente a
promove pa division Honor.

Nos ta kere cu mester re-introduci e division di Re-
serve Klasse cu e meta di duna un grupo grandi di
hungador e oportunidad di sigi hunga futbol y cu na
cualkier momento durante campeonato por wordo
yama pa hunga den hoofdklas, division Un of divi-
sion Dos.
E intencion nunca no tabata di bay competi den divi-
sion di Honor di nos futbol.

Pa tal motibo nos di Real Piedra Plat division di
Honor a dicidi di trek terug y asina duna otro team e
oportunidad di si bay competi den division di Honor.
Ta importante pa informa cu Real Piedra Plat ta
keda existi como miembro di AVB y como organ-
isacion deportivo y nos lo bay sigi concentra mas
rib’e mucahnan chikito cu merece mas oportunidad
di practica y hunga futbol.
Danki un biaha mas na un y tur y cu e deporte Rey
futbol keda progresa na Aruba.