Page 39 - MIN VOS

34 AWEMainta Diabierna, 8 September 2017

Den presencia di Prome Minister Mike Eman DIASABRA mainta tempran a cuminsa planta

A cuminsa planta mata den matanan den e area renoba di Pos Chiquito cu ta cay
bou e Proyecto di Green Corridor. Un di e barionan
bario renoba di Pos Chiquito cu a mira un renobacion grandi durante ehecucion
di Green Corridor ta Pos Chiquito.

A construi un brug grandi cu ta conecta barionan
pariba cu pabou, pero tambe e caretera a wordo me-
hora, a crea caminda y areanan pa cana na ambos
banda di e caretera principal, pero tambe a reconstrui
e caminda principal di Sabana Basora, mientras cu a
asfalta algun caminda di santo.

Den fin di siman Departamento BoBario a prepara pa
cuminsa pa planta mata den e bario di Pos Chiquito
y a haya cooperacion di e grupo di Scout Sonrisa, e
ekipo di futbol di Brazil Jrs y naturalmente habitan-
tenan di e area cu tambe a tuma iniciativa pa yuda
planta mata.
Prome Minister Mike Eman tabata presente y a
planta e prome dos matanan dilanti e cas Pos Chiq-
uito 96-C.

Un ta un Magdalena, cual ta escogencia di e famia, y
e mata “neem”, cu ta un mata cu ta crece den cualkier
tipo di clima, ta duna hopi sombra y ta crece liher,
manera Ruth Tromp di BoBario a splica e mainta aki.

Na mesun momento e Directora di BoBario a pro-
becha di haci entrega di un raport cu a wordo traha
dor di nan y cu ta menciona e importancia pa planta
mas mata na Aruba. Esaki a wordo ricibi cu hopi en-
tusiasmo dor di e mandatario, kende a splica cu nan
tin poni den e programa di e proximo Gobernacion
pa planta 100 mil mata tur rond Aruba.

“Mata no solamente ta embeyece nos isla, pero tambe
e ta crea oxigeno y crea un medio ambiente mas berde
den tur sentido,” Eman a bisa.
Den e renobacion di e bario di Pos Chiquito, dilanti
diferente cas espacio a keda habri, cu por wordo
planta dor di e habitantenan.
E idea ta, segun Prome Minister Eman, p’e habitan-
tenan mes sigui embeyece nan bario, plantando mata
di nan gusto cu ta facil pa mantene.
Mas cerca di caminda a pone e.o. cadushi. Den e
renobacion di e bario di Pos Chiquito y diferente area
riba Green Corridor, por mira cu a laga matanan di
kwihi y a construi rond di esakinan. E ta bon visibel
na Pos Chiquito.

Habitantenan ta hopi contento cu e desaroyo nobo
aki, pasobra desde existencia di e bario ta prome biaha
cu a mira un cambio positivo asina grandi.
“Mike a primintimi 4 aña pasa cu ta bin un cambio
grandi. Mi no a kere cu e lo bay sosode, y tampoco
di e forma aki. Pero el a cumpli y nos bario a bira
hopi bunita mes,” ciudadano Chena Arrebola Croes
a expresa.
E plantacion di mata lo sigui den e bario y na ambos
banda di caminda, cu ayudo di material di Sta. Rosa.