Page 7 - Awemainta

AWEMainta Diahuebs, 31 Maart 2016 7

PIZZA No mester bay ni via dokter of
MADNESS directiva di scol

BOGO Teacher’s Care
ta disponibel
directamente pa
tur maestronan
y esnan cu
ta traha den
enseñansa

DIAMARS mainta, dia 29 di maart 2016, Minister

di Enseñansa, Michelle Hooyboer-Winklaar, a topa
personalmente cu e psicologo cu ta bay ta disponibel
pa e concepto di Teacher’s Care.
E concepto di Teacher’s Care lo ta un forma direct
cu no solamente maestronan den veld, pero tambe
actornan di sosten den enseñansa, cu pa un of
otro motibo ta wak e necesidad pa por papia cu un
persona, un psicologo, riba diferente temanan, por
haci esaki.

“E concepto aki ta algo cu a traha cohuntamente cu
MDC pa algun tempo mirando cu e bienestar di nos
maestronan ta di suma importancia pa nos”, Minister
Hooyboer-Winklaar a splica.

E mandatario a conta cu e temanan cu por afecta
nos maestronan por ta stress, depresion of riba
cualkier situacion specifico na scol, cu no sa con pa
soluciona. Tur eseynan ta aspecto di Teacher’s Care y
ta trahando ya caba 2 aña rib’e concepto aki pa bin un
persona cu ta eynan exclusivamente pa educadornan.

E otro condicion tabata cu acceso na dj’e mester ta
hopi facil pa tuma contacto cu ne.
“Awor ta e momento unda cu ta cla pa anuncia tur
e informacion aki y con pa yega na dj’e”, alabes
Minister Hooyboer-Winklaar ta splica cu no lo tin
hopi drempel pa logra yega na e psicologo, es decir
cu no mester bay via un directiva di scol of un dokter,
esaki lo bay direct.

Minister Hooyboer-Winklaar ta splica cu tambe nan
tabatin un combersacion riba tur e diferente temanan
cu ta premira cu ta bay hunga un rol den esaki y ta
wak cu e psicologo ta hopi prepara pa esakinan.
Ministerio di Educacion ta hopi contento cu e
psicologo por ta un biaha mas 100% disponibel pa
nos maestronan y ta wak cu esaki sigur ta bay crea
un instrumento pa nos maestronan pa por surpasa
diferente reto cu tin den nos enseñansa.