Page 22 - KPA FLIP 22 JULY 2017

2 AWEMainta Diasabra, 22 Juli 2017

Entrada Hudicial di ayera madruga a produci

Un total di 49 persona indocumenta a keda deteni

Por papia aki claramente di traficacion di hende

AYERA den oranan di madruga, pa ser exacto rond di 5 or di
madruga, Fiscal di Ministerio Publico, a acompaña varios unidad
policial pa haci un entrada hudicial den un cas na Uruguaystraat 4.
Di acuerdo cu nos fuentenan, Polis tabata en busca di droga y arma
di candela, pero no a haya nada den e entrada hudicial aki.
Loke si a ser haya ta, cu den e cas aki, tabatin un total di 49 persona
indocumenta, mayoria di nan Venezolano y un cantidad consider-
able di dama.

Di parti di Vocero di Polis, Lito Lacle, nos a haya e siguiente
informacion: Ayera mainta a wordo teni un entrada hudicial
Uruguaystraat 4, a base di un informacion cu a yega n’e Team di
Investigacion di UGC (Crimen Organiza).
Team di Aresto a wordo usa pa drenta. Ta trata di un cas cu ta full
geschot y pafor tin 4 apartamento.
Den e lugar aki AT a bin haya diferente hende homber
y muher. Nada di mucha. Resultado ta cu 49 hende a
wordu aresta di cual 47 ta ilegal. Nan tur ta Venezolano
No a haya nada di arma of articulo horta. Riba un di nan Polis
a bin haya un tiki marihuana. E lugar ta sushi, y no ta adecuado
pa acomoda tanto hende asina creando un situacion di bida
inhumano p’esnan enbolbi.

Tur e hendenan aki a wordo transporta pa edifi-
cio di Corte y despues di a ser atendi a wordo pasa
pa Guarda Nos Costa pa sigui trata e caso aki.
Den e accion aki a wordo usa personal di diferente departamento,
e.o. UGC (Crimen Organiza), TBP (Atraco), WI (Woninginbraak),
Flexi Team, K9 y CEA.
Tambe tabata presente Oficier van Justitie y Huez Comisario pa
por a haci e entradanan hudicial y listramento di e cas.

Manera vocero di Polis a informa caba, nan tur a ser hiba pa Ward-
aCosta pa sigui cu e investigacion, unda lo determina si nan tin
Sigui na pagina 3 >