Page 23 - KPA FLIP 22 JULY 2017

AWEMainta Diasabra, 22 Juli 2017 3

< Continua di pagina 2
permiso of no. Mester a haci uso di e unidadnan cu ta ser usa pa
transporta preso pa Corte.
Pero e hecho cu ta ser bisa cu en total a transporta 49 persona, cu
ta masha hopi y ta surgi masha pregunta.
Manera e.o. unda e hendenan aki ta traha? E dunador di trabao,
porfin lo haya but? Tin un ley cu ta bisa cu un empleador por haya
un but maximo te cu 100 mil florin, pero te cu awe ningun but a
ser duna pa un montante asina.

MINISTERIO PUBLICO
Nos tabata kier sa mas di Ministerio Publico, pasobra na nos opinion
aki tin sospechoso di traficacion di hende y contrabanda di hende.
T’asina, segun Ministerio Publico, e unidadnan di mensenhandel y
mensensmokkel hunto cu Afpakteam lo cuminza cu un investigacion
a base di e hayazgo di 48 persona indocumenta na Uruguaystraat.
Tambe lo investiga e huurdo di e lugar aki. Di acuerdo cu nos
informacion, mencion ta ser haci cu ta Chando Colina t’esun re-
sponsabel pa huur e cas, cu ta reparti den diferente kamber, loke
nan ta yama apartamento.

Averiguando di kende e cas aki ta, nos por a compronde cu e un
cas di e Chinees a cumpra, pero a facilita un Arubiano, di nomber
di Chando Colina pa opera esaki, dor di huur apartamento cu a
ser traha den e cas aki.
E cas aki ta gepak di hende. Loke a hala nos atencion cu n’e cas
aki, tin bandera di MEP ta bula.

Di acuerdo cu Ministerio Publico, t’asina cu segun ley si un hende
duna huisvesting na ilegalnan, e ta cay bao mensensmokkel, p’esaki
tin un castigo maximo di 4 aña di prison.
Si bira custumber, kier men hende ta haci’e tur ora, e ora ey e
maximo castigo di prison ta di 8 aña.
Ministerio Publico a aserca Afpakteam, pasobra tin ganashi haci
den e maniobra aki.
Esun cu ta huur e cas cu e ilegalnan aki, lo tin cu ser persigui pa
Ministerio Publico.

MINISTER DI HUSTICIA
Minister di Husticia, mr. drs.Arthur Dowers a duna di conoce cu
ta pa basta dia caba, el a manda advertencia p’esnan cu ta sostene
practicanan ilegal aki, unda dor duna sostene atracadornan cu ta
bin Aruba pa horta y haci nan malo, pero awe por conclui cu nos
hendenan no a siña.

Pesey sigur lo persigui esnan cu a haci nan mes culpable na e.o.
contrabanda y traficacion di hende.
Den dianan nos dilanti, mas hende sigur lo wordo deteni. Y ta di
spera cu e practica aki lo stop, pasobra no por sigui permiti pa nos
propio hendenan ta facilita e hendenan aki, cu vivienda, auto pa
por move den comunidad, pa haci malo.