Page 6 - AM220323

6|Diaranson, 23 di Maart 2022

Prome Minister ta sigui recomenda pa vacuna

Apesar cu cifranan di Covid ta bas-
ta abou, Prome Minister Evelyn Wever
Croes ta sigui haci apelación na ciuda-
danonan pa vacuna.

El a ilustra cu e cifranan di p.e. cierre di
siman pasa tabata apenas 40 caso acti-
vo, siendo cu un siman prome e tabata
62.

E desaroyo aki ta duna nan como Go-
bierno hopi tranquilidad pa sigui cu ma-
neho di país Aruba. Mas satisfecho, pa-
sobra n’e momentonan aki no tin ningun
pashent den Cuido Intensivo, na Aruba.
Na Colombia si tin 4 persona.

“E cifranan aki ta mustra cu nos ta riba
e bon caminda y ta confirma cu e ma-
neho di Gobierno tabata efectivo y cu
decisionnan cu a wordo tuma tabata na
tempo tabata prudente y responsabel.”

Pero te ainda ta recomendabel pa sigui
cuida y sigui vacuna. P’esnan cu kier va-
cuna, por pasa na Centro di Bario Lago
Heights. E otro punto di vacuna ta DVG
mes, unda por haci esaki tur dia.

“Ni ami ni ningun hende por garantisa
cu no lo bin un otro variante den futu-
ro of cu nos lo no mira un otro ola den
futuro, pero loke si mi por garantisa ta
cu Aruba ta mihor prepara aworaki pa
cualkier cos cu mester bin ainda. Pero
p’esaki nos mester di abo tambe, pa bo
cuida y sigui vacuna pasobra Covid tey,
apesar di e cantidad abou.

Na otro paisnan cu cantidadnan ta mas
halto pero aki na Aruba nos ta conta
riba bo.

Nos a flexibilisa casi tur medida, hasta
pa drenta Aruba no tin exigencia mas cu
bo mester ta vacuna of bo mester test,
pasobra el a wordo elimina diasabra ul-
timo y cu esaki nos ta spera di por sigui
stimula cu nos turistanan por bin Aruba.

Pero mi ta pidi atrobe, ban sigui cuida
pasobra bo ta stima bo mes, bo famia
y Aruba. Aruba ta conta cu bo”, Prome
Minister a duna di conoce.