Page 2 - AM231220

2 LOCAL AWEMainta
Parlamentario Mike de Meza
No ta Hulanda pero Arubianonan a
haci e pais aki loke cu e ta awe!
ustrando hopi determinacion parlamentario Mike de
MMeza di fraccion di AVP, a mustra cu tanto den e reunion
di dialuna merdia relaciona cu cambio di e ley di LAft, por a
scucha cu den ultimo 37 aña, politiconan di Aruba a fracasa.
Na mes momento de Meza a sigui mustra cu lo ta bon pa para
keto un rato y puntra nos mes ta KICO realmente Hulanda a
haci pais Aruba, den desaroyo di e isla aki.
“Cu nos a beneficia di e relacion den Reino ta un hecho,
inmaterieel, ya cu el a habri algun porta pa nos pero real-
mente caminda Aruba ta para awe, ta dor di trabounan
grandi dor di politiconan Arubiano durante ultimo 37 aña.
Nos por para akinan den sala di Parlamento, desgaba tur
hende pero nos ta traidor ya cu tur esunnan cu a bin prome
cu nos, a traha pa e pais aki. Awe y ultimo 20 y hasta 30 aña,
Aruba ta e pais miho para den region.
No ta Hulanda a bin haci e trabou aki pa nos, ta e Arubianonan
a haci e trabou aki, e Arubianonan a goberna e pais aki, cu
tabatin problema, si, cu tabatin retonan, si, cu nos tabatin
retonan grandi financiero, sigur.
Nos ta un pais chikito y tin gastonan desproporcional pa un
economia chikito pero awe nos por bati riba nos pecho ya cu
Aruba tin un di e GDP na miho den Caribe, scol, educacion,
nos por keda diferencia di opinion entre nos, politiconan ya
cu cada ken kier haci un miho trabou pero e pais aki cu yama
Aruba, a sirbi yiunan di tera.
Turismo ta e miho, no solamente den Caribe pero na mundo,
nos tin un sistema di utilidad, awa garantisa cu nos por bebe
tur dia, miho calidad di mundo, coriente caminda tin cu wak
paisnan grandi caminda cada tres ora coriente ta cay afo.
Wak e parti di salud y ora abo como Arubiano bula bay
Colombia of Santo Domingo, bo ta haya miho trato pasobra
nos ta papia cu e dollar pero wak con ciudadanonan di e
paisnan grandi ey, ta wordo trata.
Aki nos tin un AZV cu tur hende ta cubri, hasta esunnan cu
a bin traha aki, ta inscribi y nan tin e seguro aki. Nos leynan,
nos husticia caminda nos por discuti si criminalidad a subi si
of no pero nos tin un sistema miho cu casi tur e paisnan den
region, un di e miho na mundo.
Pero mi ta haya un lastima ora mi ta scucha nos para aki
den, bagatelisa y kibrando historia di Aruba, criticando tur
politico di cual partido cu ta, cu a hiba e pais aki dilanti, e
Diaranson, 20 December 2023
lucha grandi cu tabatin di nos antepasadonan.
Ya nan tabata sa e tempo ey na momento cu Aruba tabata
frustia bou di Antias y Hulanda ya cu no ta por nada a lucha
100 aña pa nos por a yega na e Status Aparte, y for di
momento cu nos a haya nos Status Aparte, Aruba a haci
miho cu tur e otro paisnan den Reino.
Si nos para aki nan sigui ataca otro, ta kibra nos ta kibra
otro, kibra nos ta kibra historia di Aruba, y ta crea e impre-
sion ayafo, pa no confia politica di Aruba,cu ta e miho pais
den region.
Nos ta kibrando nos propio historia, no ta traicionando tur
esunnan cu a sacrifica nan bida pa desaroyo di e pais aki y
tin cu mustra aki cu dor di varios gobierno, a bati na porta
di Hulanda pa technisch bijstand pero nunca Hulanda tabata
habri pa esaki.
Nos mester ta mas ‘outspoken’ nos no mester tin miedo di
Hulanda ya cu e ora ey bay biba na Hulanda, nos mester
ta habri y nos por sigui discuti aki den pero ora cu ta toca
Aruba, nos tur tin cu para wak den mesun direccion.
Ora cu Aruba a haya su Status Aparte, kico Hulanda a yuda
cu’ne? Ban ta honesto, ya cu ora Lago tabata cerando su
porta, kico Hulanda a yuda cu’ne? 911 a dal Aruba duro,
kico Hulanda a yuda cu’ne? E crisis financiero mundial, kico
Hulanda a yuda Aruba cu’ne?
Pero na 2010, a duna Corsou, Sint Maarten, Bonaire y otro
islanan tur ayudo pero nunca y esaki not a skirbi ningun
caminda, a duna Aruba e oferta di sosten financiero cu e
otro islanan di Antias a ricibi,” Parlamentario Mike de Meza
a trece dilanti den un di e disertacion mas impactante den
hopi tempo den Parlamento.