Page 11 - AM201208
P. 11
Diamars, 8 December 2020 AWEMainta 11
Aruba Bank ta reconoce su empleado
superior pa luna di november
PA Aruba Bank e empleado ta central ora di priminti e clientenan “Un
Experencia Superior”. Cu esaki den mente Aruba Bank ta nomina un
empleado ehemplar tur luna.
E empleado cu ta escogi t’esun cu durante di e luna a haci su maximo
esfuerzo pa brinda momentonan superior na tur esnan cu bishita Aruba
Bank of haci uzo di un manera of otro di un servicio di banco. Ellen
Gumbs a ser seleciona durante di luna di november pa su servicio
excelente, rapido y profesional den su area di trabou.
Ellen Gumbs, Senior Officer, a brinda un servicio di calidad halto y
superior na clientenan den su area di trabou. E ta haci esaki cu un actitud
positivo, bon calidad di comunicacion y etica di trabou sobresaliente.
Ellen su actitud positivo, bon calidad di comunicacion y cu un etica di
trabou sobresaliente a haci cu el a wordo nomina y reconoci como un
empleado superior.
Aruba Bank ta felicita y gradici e miembronan di e famia di Aruba
Bank cu a wordo nomina pa cliente y of colega pa yuda brinda tur
cliente “Un Experiencia Superior”. Pabien Ellen!
Pierewietje y Flash 2020 tabata tremendo
E ultimo 2 weekendnan, Addonsito Croes, tabatin e honor di
presenta e show Navideño di e gruponan Pierewietje y Flash
cu den 2020 a cumpli 42 aña. Cumpliendo cu e reglanan di
DVG, e shownan tabata diadomingo y diasabra ultimo den
Cas di Cultura.
Un total di 15 baile y canto a ser presenta pa Pierewietje
y Flash. Den nan a actua e solistanan Pierewietje Singers,
Marie Claire Denz, Elias Kamperveen, Carl Anthony, Carlo
Janssen y Zairaey Colmenares.
E show Navideño aki tabata bao guia di e comision
organisador cu ta Elena Timmermans, Yolanda Loopstok,
Angeli Wanga y Marta Figueroa.
E coordinadornan tabata Carol Pesqueira, Darlene Laveist,
Dyanne Timmermans, Annie Barros, Saskia Loopstok,
Pierewietje Singers, Miangela Figaroa y su yiu Ronella for
di Hulanda, Arianne Werleman, Daisy Geerman y Flash.
Voz adicional tabata di Sashah Figueroa y e grabacion tabata
den man di Michael Odor y Martin Buitenweg. For di aki,
via di AWEMainta, Addonsito Croes kier felicita y gradici e
team di Pierewietje y Flash, p’e honor aki. Tabata un placer
y honor di tabata e maestro di ceremonia di un show bon
hinca den otro y cu tremendo coordinacion.
