Page 9 - AHATA

A3
LOCAL Diasabra 9 Mei 2020
Segun Antilliaans Dagblad:

Aruba tin te fin di mei pa

adapta presupuesto

ORANJESTAD - Segun e medio Antilliaans Dag-
blad, e organismo di supervision financiero pa
Aruba, CAft, den su reaccion riba presupuesto
2020, ta di opinion cu gobierno di Aruba lo mester
percura pa un presupuesto 2020 adapta, dentro di
tres siman, prome cu fin di luna di mei.

Esaki lo a aparece den e conseho mas reciente di CAft,
cu e medio a logra haya. E presupuesto di emergencia
cu Pais Aruba a entrega na Caft, despues di su apro-
bacion na fin di luna di maart ultimo, ta tuma como
punto di salida un deficit di Afl. 1.300 miyon, na lugar
di e surplus programa di 0,5% di GDP, manera acorda
den e protocol cu Hulanda y Aruba a firma na novem-
ber 2018, tocante e ruta pa mehoracion di e situacion
financiero di gobierno di Aruba. Esaki lo resulta den
un debe total pa fin di 2020 di Afl. 5.603 miyon (mas di
100% en comparacion cu e GDP anticipa; red.). E defi-
cit financiero ta ser ocasiona pa e medidanan di e plan di
emergencia cu ta tumando, mas e caida den entrada di
impuesto y e deficit na SVb y AZV, a consecuencia di e
crisis di coronavirus y ciere di economia di e pais desde
luna di maart.
Segun CAft, gobierno di Aruba ta tuma como punto di
salida tambe cu e pais lo ta keda cera te cu fin di e aña
aki, y ta haya cu ta mas realistico un scenario cu ta su-
pone cu frontera lo keda cera durante tres luna, loke por
contribui na limita e deficit di presupuesto y e aumento
di debe publico. CAft, y su presidente firmante, Ray-
mond Gradus, ta desea pa gobierno adapta presupuesto
2020 atrobe, unda ta proyecta un mehoracion gradual
durante di dos mitar di aña, loke ta implica mas entrada
pa gobierno den e periodo ey.

CAft ta contata ademas cu no a procesa tur e recomen-
dacionnan cu nan a duna. Asina ta observa cu gobierno
di Aruba no lo a cuantifica e austerisacionnan den gasto
di personal pa cada tipo di gasto y duna esakinan un time
schedule. Tambe e Colegio ta observa cu a pospone e
reforma fiscal, cu cual tambe ta calcula cu e entradanan
lo ta mas abao. Sin embargo, e gastonan a keda mescos,
cu consecuencia cu esakinan no tin cobertura, segun
CAft. “E presupuesto no ta contene medida structural
pa baha gasto, di manera cu esey ta aumenta e necesi-
dad di financiamento, loke no ta deseable den cuadro di
yega na finanzas publico sostenible,” segun e medio ta
cita di e carta.

Tambe CAft ta expresa su duda encuanto entrada di di-
videndo cu gobierno di Aruba tin proyecta pa haya di e
entidadnan estatal, igualmente tambe entrada a base di
benta di tereno di gobierno y beneficio di licencia pa
produccion di cannabis, cu ta inclui den e presupuesto
aproba. CAft ta kere cu e entradanan aki ta insigur y ta
spera un adaptacion promer cu fin di e luna aki. CAft
lo comunica cu Conseho di Gobierno di Reino den su
conseho pa e segundo tramo di apoyo financiero.

CAft a informa den e carta cu ta e intencion di pone e
asunto dilanti Conseho di Ministro di Reino den nan
conseho encuanto e di dos parti di e ayudo di liquidez
financiero.

Nota di redaccion:
Tabata di anticipa cu lo a bin reaccion di banda di CAft
riba cierto aspecto di e presupuesto, entre otro cierto
entrada cu no ta mustra realistico. Durante e proceso
ditratamento di presupuesto 2020 a observa caba cu e
entradanan di por ehemplo licencia di cannabis no ta
realistico, pero gobierno a laga sa cu si esey ta asina, nan
tin suficiente otro recurso incidental pa cubri esaki. Cu
consecuencia cu awor toch ta haya e peticion pa adapta
esaki, pasobra e entradanan aki ta resulta insigur.