Page 9 - DIARIO 14 DECEMBER 2021 COMPLETO.indd

DIAMARS 14 DECEMBER 2021 DIARIO PAGINA 9
Ivan Barrera a informa DIARIO:
Lanzamento di produccion

nobo di cah’i orgel di Buchi
Boekhoudt a tuma lugar

ORANJESTAD (AAN) – Na restaurant Aruba Experience, cu
ta opera den un cas colonial y cultural, a tuma lugar e release
di un long play di e conocido trahado y tocado di caha di
orgel, e maestro Buchi Boekhoudt.
Ivan Barrera, ken a haci e produccion y grabacion, mientras
cu Boekhoudt a toca e caha, a duna DIARIO informacion
tocante e lanzamento aki.
El a splica cu Buchi mes a traha e musica cu ta claba den e
cylinder y ademas a traha su caha y e empresa di Ivan Barera
a produci e CD, cassette y USB.
Barrera (Caleto) a menciona cu su compania ta interesa den
e musica tradicional popular cu ta sonando na Aruba na e
momentonan aki, entre otro brass band, y awo nan a cuminza
cu e cah’I orgelnan, y e prome cu nan a lanza ta esun di Buchi
Boekhoudt.
Barrera ta cantante y guitarista, procedente di Colombia, pero
e tin diez aña biba na Aruba y e ta stima e isla aki y su musica
y tradicionnan y e lanzamento di musica folklorico di e pais
e ta hacie como muestra di gratitud pa Aruba, cu habri porta
pe.
El a invita pueblo di Aruba en general pa scucha e produccion
di Buchi Boekhoudt, cu ta riba tur plataforma via internet.
Buchi Boekhoudt ta cumpliendo 56 aña como trahado y
musico di cah’i orgel y el expresa pa DIARIO, cu el a keda
hopi contento cu e evento cu a tuma lugar pa lanza su musica
den un produccion nobo. Esaki a tuma lugar den presencia di
algun miembro di su famia, cu tambe tabata hopi contento y
orguyoso di Buchi.