Page 19 - AVP

a bira independiente y Luigi Bergen cu a hay’e ta tuma retiro debi cu e ta sospechoso di

violencia domestico. Na su luga lo drenta Darlain Guedez. Di otro banda Otmar Oduber a

anuncia desde 17 di september caba cu e ta retira dia 12 di december y cu na su luga lo

bin Marisol Lopez y na luga di Lopez lo drenta Dellanire Maduro. Pero, te dia di awe, no

a tende mas di e retironan ni tampoco di e huramentacionnan, ni den Parlamento ni

tampoco den Conseho di Minister. Ta obvio cu tin un problema, sigur na nivel di

Minister, cu mester pasa screening prome, cu porcierto no ta cla ainda y mas bien ta
pega!

Veiligheidsonderzoek pa Marisol Lopez no ta cla

Na Gabinete di Gobernador nan a confirma na nos cu ainda no tin fecha pa

huramentacion ainda. Nan no kier a bisa si e carta di retiro di Minister Otmar Oduber y

di Luigi Bergen a drenta caba eynan. Ni tampoco si a cuminsa e proceso pa investiga

Marisol Lopez si e ta Ministeriabel. Parce cu e entidadnan cu ta scucha den un proceso

asina no ta duna conseho, sino ta pone riba papel e status di e persona. Asina ta verifica

cu Ministerio Publico si tin casonan pendiente of si e persona a haya un castigo

recientemente. Den caso di Lopez, e tabatin un problema den sala di Parlamento cu su

colega Chris Dammers. E tempo ey a haya un castigo pafo di sala di Corte. Tin cu
verifica cerca Departamento di Siguridad Nacional y Departamento di Impuesto. E

ultimonan aki ta escencial den e decision di Minister Presidente si e ta acepta un persona

como Minister of mo. Asina mr. Juan “Ady” Thijsen no tabata Ministeriabel den e ultimo

Gabinete debi na debe grandi cu e tin cu Belasting. Como cu e no por a paga prome cu

asumi e funcion di Minister Plenipotenciario, el a opta e ora pa bira Presidente di

Parlamento y asina a cambia cu Guilfred Besaril cu si a pasa e “test” di bon pagado.