Page 20 - AVP

No tin huramentacion ainda den Parlamento

Mester menciona cu e investigacion riguroso pa bira Minister no ta aplicabel pa

Parlamentarionan. Pa drenta Parlamento no ta verifica nada, pasobra ta sali for di e punto

di bista cu esun cu conta cu sosten di pueblo den forma di voto, ta drenta Parlamento.

Pero pa un Parlamentario drenta, mester haci henter e proceso di verificacion di nobo.

Pues ora cu Bergen, cu tabata na number 16 riba lista di MEP, tuma retiro, mester

cuminsa di #1 atrobe puntrando un pa un si nan ta desea di asumi e funcion di

Parlamentario. Solamente esunnan cu ta den Parlamento caba awor no mester nenga, tur

otro si. Por ehempel Sue-Ann Ras mester nenga e stoel atrobe, pa nan bul’e, pa e ora yega

na # 17 cu ta Darlain Guedez-Erasmus. No ta conoci ainda si e proceso ey ta canando

caba.

Marisol Lopez no a entrega retiro di Parlamento ainda

Mescos ta conta den POR, den caso cu Marisol Lopez pasa su “veiligheids toets” y ta

Ministeriabel, e lo mester entrega su retiro for di Parlamento. Lo acerca Otmar

Oduber, Andin Bikker y Joselin Croes atrobe pa bira Parlamentario. Ora tur nenga, e ora

lo yega na Dellanire Maduro, cu ta na #8 riba e lista di POR.

No tin qourum den Parlamento

Ni si nan kier, no ta logra keda cla pa e siman aki ainda, debi cu ta wardando algun

desaroyo ainda rond di e investigacion tumando luga pa bira Minister. Y no ta conoci

kico ta e problema den MEP cu Bergen no a bay ainda pa Guedez por drenta. Hecho ta cu
e fin di siman aki 6 Parlamentario lo biaha pa Hulanda pa un evento. Ta trata aki di Ady

Thijsen, Rocco Tjon, Marlon Sneek, Ricardo Croes, Marisol Lopez y Daphne Lejuez.

Consecuentemente no tin qourum tampoco pa por aproba credencial di ningun Minister