Page 19 - AWM 9JUNE2020
P. 19
Diamars, 9 Juni 2020 AWEMainta 19
Dama a dal intencionalmente contra auto di su ex
DIADOMINGO den oranan di anochi Polis di Trafico a
bay riba e caminda cu ta bay di Ayo pa Andicuri, unda tin
un dalmento.
Segun informacion, lo ta trata di un problema di pareha cu
sali lamentablemente for di man.
E muher tabata den un Nissan March y e homber den un
Jeep Wrangler color geel. Parce cu e problema lo a cuminsa
na Hooiberg o sea e dama tabata tras di homber cu lo no kier
tin nada mas di dje.
Pa evita problema, e homber cu su Jeep lo a tuma e caminda
di Ayo pa Andicuri, cu e speransa cu e muher den e Nissan
March pensa cu e lo no por core ey tras cu e March.
Pero e dama decidido y cu corahe a sigui e Jeep riba e ca-
minda di tera, y dado momento el a dal contra e Jeep y bay
termina den mondi.
No ta conoci si ta pa malo el a bay contra e Jeep of ta berdad
el a perde control.
Polis di Trafico despues di a haci su investigacion lo a con-
clui cu ta trata di un accidente intencional, y debi n’esaki a
pidi pa Recherche y tambe BFTO. E auto no ta di e dama
tampoco.
Problema cu un ex cu no kier acepta ta uno hopi fastioso.
