Page 21 - AWM 9JUNE2020
P. 21
Diamars, 9 Juni 2020 AWEMainta 21
Polis a interveni den problema di pareha bou influencia
DIADOMINGO anochi pa mas o menos 8:45 Polis
a bay Gasparito, unda lo tin un problema di pareha.
Esaki tabata n’e cruzada di Gasparito.
Loke por a compronde cu e dama di e homber t’esun cu
a avisa Polis cu e homber lo kier dal’ e.
Na yegada Polis a topa cu un Terios color shinishi.
Na stuur di e Terios tabata e dama unda e discusion
tabata andando.
Polis a acerca nan y por a constata cu e pareha pues
tanto e muher como e homber ta bou influencia.
Dado momento e homber ya agresivo a insulta Polis.
Aki ta unda Polisnan sa si no atende cune, e problema
lo no caba.
Polisnan a bay over na detene y mester a pone na
suela pa por pone den boei.
A pidi transportwagen pa hiba e homber warda. Mien-
trastanto Polisnan a papia cu e muher, bisando e cu e
no por bay stuur auto den e estado cu e ta, y lo mester
percura pa un persona bin buske of stuur e auto pe.
Candela a destrui un auto na Madiki Kavel
DIADOMINGO anochi pa mas
o menos 9’or Polis y Bomberonan
a bay Madiki Kavel, unda lo tin
un cas na candela.
Na yegada di Polis y Bomberonan,
nan ta constata cu no ta un cas
ta na candela, pero un auto bieu
staciona ariba caya.
Banda di dje tabattin un Kia van
para, esaki tabata un motibo pa
paga e candela liher, evitando
cu e candela por pega e Kia van
tambe.
No ta conoci kico por a conduci cu
e auto bieu aki a pega candela.
