Page 76 - KPA

Homber a haya atake di curason tras di stuur

causando un boksmento

December 10, 2017 0 0 Views
Tanki Flip – Diasabra anochi 11’or pasa por a wak paramediconan parti zuid di rotonde di Tanki Flip,
dunando CPR na un persona.
Segun minuutnan tawata pasa polis tambe a yega pa yuda cu e trafico, pa asina e paramediconan por a
traha mas safe.
Na e sitio nos a compronde cu, e chauffeur aki lo a haya un atake di curason y durante esey ela bay dal
un auto su dilanti.
E momento ey mes ora nan a bati alarma, yamando 911.
Dos ambulance a presenta caminda mes ora a cuminsa cu e proceso di reanimacion.
Algun minuut mas laat famianan a cuminsa yega y nan tawata den shock, pa loke a pasa cu nan ser keri.
Na e sitio nos a compronde cu tawata trata di e conocido Chef Lie Kwie.
Despues di posiblemente haya pulso, mes ora nan a pone e cabayero den ambulance y sali cu maximo
urgencia direccion Hospitaal. Su situacion ta grave.

Chauffeur a perde control y baha caminda dal

cura di cas y dos auto staciona, posiblemente

ilegal

December 10, 2017 0 0 Views
Washington – Diadomingo mainta polis a bay Washington pa un accidente cu hende herida. Na yegada
polisnan ta compronde cu un Hyundai Getz bayendo zuid a perde control den e bocht.
Den e incidente, e auto a bay na su man drechi y despues a bay bek na su man robes.
Ey ta caminda cu e chauffeur aki ta bay dal contra un cura di cas pa despues bay dal un truck y un auto
mas staciona.
Esaki ta un indicaccion cu e chauffeur tawata bayendo zuid cu velocidad halto.
Ambulance a presenta na e sitio mirando cu e chauffeur lo a haya algun rasca banda di su horea.
Personal di ambulance a controle, pero no a haya necesario pa e bay Hospitaal.