Page 77 - KPA

Ora momento a yega di mustra tur documento di e auto y rijbewijs, e cabayero aki no tawata tin nada
cune.
Ela keda deteni pa motibo cu e no por a mustra su papelnan di estadia ariba e isla, pues e ta
indocumenta.
Chevrolet Spark por poco a dal frontal contra Taxi,

e chauffeur tawata burachi

December 10, 2017 0 0 Views
Sabana Berde – Diadomingo mainta informacion a drenta di un accidente frontal, altura di Kazerne di
brandweer na Sabana Berde.
Mes ora unidadnan a bay e sitio.
Ey nan ta topa cu un Chevrolet Spark y un Kia SUV cu tawata un taxi. Loke a pasa tawata cu e Chevrolet
Spark bayendo pariba, dado momento a hala na su man robes. E taxista biniendo di pariba a trata na
maniobra pa evitabe e impacto, pero no a logra.
Un impacto basta duro, danki Dios niun persona a resulta herida.
Polis a test e chauffeur di e Chevrolet Spark door di lage supla, a resulta cu ela pasa e limite stipula pa
ley.
Na e sitio ela keda deteni.

Chauffeur ta subi crusada di Morgenster sin duna

preferencia, causando un accidente

December 10, 2017 0 0 Views
Morgenster – Diasabra anochi algo prome cu 9:30 un accidente pa falta di preferencia a sosode na
Morgenster.
Un dama empleada di Setar cu a caba di traha, segun nos a compronde bayendo direccion Santa Cruz ta
wordo gedal pa un otro auto.
E dama den su Nissan March ta wordo gedal pa e Kia cu no a duna preferencia y a core subi e crusada, e
dama a resulta levemente herida y na yegada di ambulance nan a trata cune.
Mester remarca cu e crusada aki sea mester pone mas iluminacion of pone e luznan color oraño bek, pa
asina automobilistanan sa cu nan ta yegando un crusada.