Page 15 - MIN ON 23 MAART 2016

Hans Timmermans no ta Rector mas di Colegio
Arubano

Publication: Tuesday, 22 March 2016. Categoria: General

ORANJESTAD (AAN): Sin duda alguno, miles di hende lo ta feliz e siman aki, ora cu a sali na cla
cu drs. Hans Timmermans lo no ta Rector mas di Colegio Arubano.

Den poco tempo, el a haci bida di hopi hende, incluyendo docentenan hopi respeta pa
ciudadanonan rond di Aruba, bira imposible.

Pero awor Fundacion SMOA a confirma, cu Diaranzon siman pasa, nan a tuma oficialmente
despedida di drs. L.J. Timmermans. E ambiente di trabao y cooperacion cu tabatin entre
Colegio y e Rector, a deteriora hopi den di dos mitar di 2015.

No obstante e cambio aki, esnan envolvi a traha duro y cu perseverancia pa asina mantene e
standardnan halto di educacion na Colegio Arubano, y pa realiza e plannan cu a ser poni pa
ehecuta.

Desde 6 di Januari 2016, Rector a meld su mes malo. E malesa y ausencia di e Rector desde
Januari 2016, a presenta un situacion indesea pa e scol. Despues di algun dia, rapidamente a
tuma medidanan efectivo, pa asina garantiza e continuidad di e organizacion. DIARIO a
compronde, cu e.o. e scol no a keda sin funciona un dia sin un rector.

Ora cu e Rector a tuma AO y tabata ausente for di Aruba, Raad van Toezicht di SMOA a
cuminza busca solucionnan pa e situacion cu a presenta. Esaki a conduci cu e partidonan aki
desde mey-mey di Februari a cuminza papia cu otro. Durante e prome contactonan aki, cuatro
siman pasa, tabata bisto cu tur dos banda tin opinion cu no ta cuadra, pues lo no ta vale la
pena sigui traha cu otro.

E combersacionnan entre Raad van Toezicht y Rector a socede den tur silencio. Esaki ta algo
cu nan a bay di acuerdo cune. Awor SMOA ta convenci cu e decision ey a conduci na un
acuerdo mas rapido, sin haci buya y mas, pa finaliza e acuerdo di relacion di trabao cu drs.
Timmermans entrante Diabierna 1 di April 2016. Tampoco lo no duna detaye di e acuerdonan
cu a ser logra. Riba esey tambe nan a bay di acuerdo.

E enfoke di diplomacia scondi entre nan lo a conduci posiblemente na un periodo insigur pa
colaboradornan di school y otronan envolvi ta di lamenta y no ta cuadra cu nan filosofia. Raad
van Toezicht y directornan di school semper ta habri pa un comunicacion habri y amplio.

SMOA ta enfatiza cu un di e prioridadnan awor ta pa busca un Rector nobo. E proceso aki lo
mester contene nan deseo pa bin cu un comunicacion habri, hunto cu e colaboradornan di
school, y otronan cu interes den Colegio Arubano, ta bay socede proximo simannan.

Nan ta spera cu no obstante e proceso importante y tenso aki, e atencion lo bay keda dirigi
riba e proceso di educacion y e alumnonan di Colegio. E aña aki tambe alumnonan lo ta