Page 30 - AWE180604

30 AWEMainta Dialuna, 4 Juni 2018

Deporte

Joel Kuiperi ta gana medaya di Plata den XI

Juegos Suramericanos na Cochabamba 2018

DEN e di XI Juegos Suramericanos cu a wordo
teni den e ciudad di Cochabamba, Bolivia e atle-

ta Joel Kuiperi ta marca historia den e deporte

di weightlifting ta logra gana medaya di Plata pa
pais Aruba. Joel cu a bai bon prepara a hisa den

categoria di mas di 105kg mester a bataya duro

contra e atleta di Argentina pa logra gana e me-
daya di Plata aki.

Den su hisadanan Joel ta logra den snatch 144kg,
clean & jerk 175kg pa un total di 319kg. cu e

hisadanan aki Joel ta logra kibra 3 record di Aru-

ba cu tabata riba su propio nomber. Den snatch
cu 1 kg, clean & jerk cu 5kg y Joel su mihor total

den competencia internacional tabata 310kg y
na Cochabamba 2018 ta total 319kg. Ganador

den e categoria di mas di 105kg, medaya di Oro

a bai pa e atleta di Ecuador Anderson Calero cu
365kg, Medaya di Plata Joel Kuiperi di Aruba

cu 319kg y medaya di Brons pa Alejo Solito di

Argentina cu 318kg.
Aruba Amateur Weightlifting Association den

pasado tambe a conoce dos atleta cu a logra gana

medaya di Plata cu ta Julian Pemberton den We-
ganan Panamericano na Mexico 1955 y Alejan-

dro (Pantan) Farro cu a gana Medaya di Brons
den Weganan Centroamericanos y del Caribe na

Medellin 1978.

Aruba Amateur Weightlifting Association kier a
manda palabra di pabien na Joel Kuiperi cu a

gana medaya di Plata y cu a marca historia den
e deporte di weightlifting y tambe ta gradici Ad-

olfo Gallego como coach, Stichting Sportsubsi-

die Aruba, Lotto pa Deporte, Comishon Tecnico,
Cemedar y Comite Olimpico Arubano cu a juda

sostene e atleta grandemente. Tambe tur atleta-

nan, entrenadornan y boluntarionan di pesas ta
manda palabra di elogio pa e atleta Joel Kuiperi

cu su medaya di Plata Cochabamba 2018.