Page 7 - AWE180604
P. 7
Dialuna, 4 Juni 2018 AWEMainta 7
Inspectie Volksgezondheid Aruba a ricibi alrededor di
100 relato anual di calidad dia 1 di juni 2018
Esnan cu no a cumpli lo haya un carta di advertencia
E AÑA aki t’e prome aña cu tur dunadornan di cuido
na Aruba mester entrega un nan respectivo relato anual di
calidad na Inspectie Volksgezondheid Aruba (IVA).
Den e documento aki IVA ta pidi informacion di e.o. e
maneho, incidente, kehonan cu a wordo entrega, protocol y
proceduranan di un practica y/of institucion di cuido.
P’e Ley di Calidad di Cuido, e ultimo dia pa entrega e
kwaliteitsjaarverslag tabata diabierna 1 di juni 2018. Na
final di e dia aki, IVA a ricibi alrededor di 100 documento di
e 180 cu mester wordo entrega in total.
Pa IVA e ta un logro hopi grandi pa a ricibi mas cu 50% di e
kwaliteitsjaarverslagen riba 1 di juni 2018 despues di 9 luna
di hopi preparacion.
For di september 2017, IVA a cuminsa manda varios
recordatorio y a tene diferente anochi di informacion. Pues,
a sinta hunto cu e diferente dunadornan di cuido pa splica
kico ta wordo spera di nan.
Ademas a traha un documento standard cu e diferente
componentenan cu mester tin den e verslag y a manda esaki
pa tur dunadornan di cuido. N’e manera aki, nan lo por a
yena e informacion necesario mas facil.
E meta di IVA ta pa stimula mehoracion di e calidad di cuido
na Aruba. Pa por haci esaki, e ta importante pa ricibi data
concreto pa por midi e situacion actual y extrae cua puntonan
mester di atencion e añanan benidero.
Un kwaliteitsjaarverslag no ta solamente importante pa IVA,
pero muy specialmente p’e veld di cuido mes. P’e motibo
e diferente gruponan di cuido (p.e. partera, dokternan di
cas, specialista etc.) lo haya conseho y recomendacionnan
specifico a base di locual a wordo conclui di e contenido di e
kwaliteitsjaarverslagen pa nan grupo di cuido. Pues, esaki lo
t’e momento oportuno pa por siña di otro p’asina por keda
mehora e calidad di cuido na Aruba.
Como cu IVA ta profila su mes manera un organisacion pro-
activo y transparente, a haci’e un prioridad pa caba cu su
propio jaarverslag riba 1 di juni 2018 tambe.
Den e ‘Jaarverslag 2017’ di IVA por haya informacion di
entre otro sondeonan haci, keho y calamidadnan ricibi den
2017 y desaroyonan interno.
Un copia di e jaarverslag aki a wordo entrega na Minister di 2018, por spera un carta di advertencia (waarschuwingsbrief)
Turismo, Salubridad Publico y Deporte sr. Dangui Oduber, awe 4 di juni 2018. Por ultimo, IVA kier a gradici tur
tur dunador di cuido y e Comision di Salud di Parlamento. dunador di cuido cu a entrega nan kwaliteitsjaarverslag
E jaarverslag aki lo wordo poni riba nos website www.iva.aw na tempo y kier a informa nan cu nan lo wordo manda un
den e siman venidero. ontvangstbevestigingsbrief.
Tur esnan cu no a entrega nan kwaliteitsjaarverslag riba 1 di juni
