Page 29 - ATA

Na tur NV di Gobierno, nan directornan y huntanan directiva, wanta cu ehecucion di e

plannan pasobra tin cu tene cuenta cu e vision di e Gobierno nobo riba e diferente

areanan. Ta tres ehempel specifico unda cu MEP kier a expresa su preocupacionnan riba

dje. Tin mas otro departamento, unda cu tin hopi preocupacion. Croes a wordo informa

cu nan no sa kico ta pasando. Nan ta mira hendenan nobo ta bin sin cu tin un

planificacion pa e trabaonan di hendenan na OC. Asina

tambe nan ta menciona diferente otro departamentonan. Loke Gobierno aki ta haci den e
ultimo fase aki den nan Gobernacion, ta bay haci e problemanan pio pa asina e Gobierno

nobo bay atende. Croes a expresa den nomber di MEP, e confiansa cu nan tin den lider di

e partido, pa hunto cu e team cu lo bay sinta na mesa, una bes cu gobernador nombra e

formador, cu lo por finalisa e proceso di formacion di e gobierno nobo pa felicidad di

henter nos pueblo pero tambe como resultado di e eleccion cu a tuma luga ultimo.