Page 10 - AWM 30SEPT2017

10 AWEMainta Diasabra, 30 September 2017

Abogado mr. Arie Swaen

nombra pa Informador

DIAHUEBS atardi, Gobernador Alfonso Boekhoudt a dicidi di nombra
mr. Arie Swaen como Informador. A haci esaki despues di e reunion-
nan di consulta cu Gobernador tabatin y a reuni tambe cu mr. Jacobus
Andries (Arie) Swaen, kende a acepta e encargo aki.

Esaki a tuma lugar ayera ora cu su nombramento a wordo formalisa. E
Informador lo haya asistencia di un Secretaria den persona di sra. Mr.
Hellen A. van der Wal BA.
E Informador lo haci su trabao independientemente y lo mantene Gober-
nador na altura di su encargo haya.
E relato final di su encargo mester ser ofreci na Gobernador, semper y
cuando lo tin un relato intermediario pa fin di otro siman.

ENCARGO DI INFORMADOR
Gobernador a pidi e Informador pa haci un investigacion riba formacion
di e proximo Gobierno. Teniendo semper e prioridadnan expresa den e
rondanan di consulta.
Garantisa sostenibilidad y un fianza saludabel y studia e posiblidad pa
reduccion di e debe cuantioso di Gobierno, sin mester di un refinancia-
mento di esaki.

Con lo cubri e gastonan social y di cuido medico tumando na cuenta e
aumento di enfermedadnan cronico. Garantiza pago di pensioen awor
y den futuro. Percura pa seguridad den pueblo, sin lubida di por biba a
base di norma y balornan.
Reforza e organonan di control, eliminacion di e red-tape pa cu comercio
y ciudadanonan.
Introduccion y percura pa un Gobierno transparente y sigur ’good gov-
ernance’.

Sperando cu riba un termino corto, lo por bin cu consehonan di forma-
cion di un Gobierno nobo, su lo tin un sosten amplio den Parlamento.